19.05.2012 / 09:28

Беларускі спадарожнік будзе запушчаны не раней за 21 чэрвеня 5

Запуск з Байканура ракеты «Саюз» з пяццю касмічнымі апаратамі — расійскім спадарожнікам дыстанцыйнага зандавання Зямлі «Канопус-В», першым навуковым міні-спадарожнікам на базе платформы «Карат» МКА-ПН1 («Зонд-ПП»), беларускім касмічным апаратам (БКА) і двума іншымі замежнымі спадарожнікамі — пакуль прызначаны на 21 чэрвеня. Аднак рознагалоссі з Казахстанам наконт гэтага запуску яшчэ не ўрэгуляваны,
паведаміла РІА Новости крыніца ў ракетна-касмічнай галіне.

«На сёння дата — 21 чэрвеня, але гэта дата, груба кажучы, рабочая. Будуць вялікія накладкі, калі чаканне зацягнецца, фактычна давядзецца ўсё занава рыхтаваць», — сказаў суразмоўца агенцтва.

«Капопус-В» і БКА знаходзяцца на Байкануры з сярэдзіны красавіка. У якасці тэрміну запуску раней называлі першую палову 2012 года, затым — 7 чэрвеня. Аднак з-за таго, што першыя ступені ракеты-носьбіта павінны падаць на тэрыторыі Казахстана, улады гэтай краіны не ўзгадняюць запуск, сказала крыніца. «Гэтыя спадарожнікі павінны будуць выводзіцца на арбіту, блізкую да сонечна-сінхроннай, таму першыя ступені будуць падаць не ў зону, сумежную з Байканурам, а на казахскую тэрыторыю», — заявіла крыніца.

Разам з «Канопусам-В», МКА-ПН1 і БКА плануецца запусціць канадскі апарат ADS-1B для аўтаматычнай ідэнтыфікацыі камерцыйных марскіх суднаў па іх радыёабліччы і германскі спадарожнік ТЕТ-1 для адпрацоўкі новых тэхналогій у касмічным палёце. Запуск плануецца ажыццявіць з дапамогай ракеты-носьбіта«Саюз-ФГ» з разгонным блокам «Фрэгат».

Беларускі касмічны апарат дыстанцыйнага зандавання Зямлі створаны паводле замовы Нацыянальнай акадэміі навук. Запуск першага спадарожніка гэтага тыпу адбыўся 26 ліпеня 2006 года з касмадрома Байканур, аднак закончыўся няўдачай з-за аварыі ракеты-носьбіта «Дняпро».

0
$ / Адказаць
19.05.2012 / 09:55
Куды яго запускаць будуць?Ці так, як папярэдні.
0
Беларуска / Адказаць
19.05.2012 / 18:25
Грошы на вецер …
0
Fast / Адказаць
20.05.2012 / 13:45
Вспоминается старый анекдот - Деду, Советы в космос полетели! - Што, все?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру