25.05.2012 / 17:36

Тэрарыст у масцы з арабскім надпісам спрабаваў падарваць міліцыю ў Жлобіне удакладнена, абнаўляецца 58

КДБ сцвярджае, што міліцыянты затрымалі сапраўднага тэрарыста.

Як паведамляе Цэнтр інфармацыі і грамадскіх сувязяў (ЦІГС) КДБ Беларусі, мужчына быў затрыманы 24 мая каля 12.00 супрацоўнікамі МУС на месцы здзяйснення злачынства,
якое кваліфікуецца па ч. 1 арт. 14 і ч. 1 арт. 289 КК Беларусі (замах на ўчыненне акту тэрарызму).

У масцы з надпісам на арабскай мове і ёмістасцямі з запальнай сумессю і самаробнай выбуховай прыладай магутнасцю каля пяці кілаграмаў у трацілавым эквіваленце ён «спрабаваў здзейсніць тэрарыстычныя дзеянні ў дачыненні да супрацоўнікаў падраздзялення МУС па месцы іх дыслакацыі».

Дзе менавіта мужчына быў затрыманы, не ўдакладняецца. Паводле звестак БелаПАН,

гэта адбылося ў Жлобіне.

Па факце здзяйснення злачынных дзеянняў УКДБ па Гомельскай вобласці распачата крымінальная справа. Пачата расследаванне сумеснай аператыўна-следчай групай КДБ і Следчага камітэта Беларусі.

«Атрыманыя першыя звесткі паказваюць на наяўнасць сувязяў грамадзяніна з арганізаванай злачыннай групай па перапраўцы грамадзян Афганістана ў адну з еўрапейскіх краін. Звяртае на сябе ўвагу факт затрымання з прыцягненнем супрацоўнікаў спецпадраздзялення ў паказаным рэгіёне ў маі аднаго з лідараў арганізаванай злачыннай групы», — гаворыцца ў паведамленні ЦІГС КДБ.

Па словах суразмоўцаў агенцтва «Інтэрфакс», зламыснік быў затрыманы супрацоўнікамі міжраённага аддзела ГУБАЗ, «калі ён паспрабаваў злучыць драты на выбуховай прыладзе». «Перад гэтым ён кінуў бутэльку ў будынак — імаверна, з мэтай адцягнуць увагу супрацоўнікаў міліцыі, каб потым прывесці ў дзеянне выбуховае прыстасаванне», — удакладнілі ў праваахоўных органах.

Паведамляецца, што цяпер праводзіцца псіхіятрычная экспертыза затрыманага. Пра яго пішуць, што гэта мясцовы жыхар 1991 года нараджэння, беспрацоўны.

«Ніякіх патрабаванняў ён не вылучаў. Пакуль што аб матывах яго дзеянняў казаць рана», — сказалі агенцтву.

0
qwe / Адказаць
25.05.2012 / 11:56
может он и метро взорвал?
0
нацыяналіст / Адказаць
25.05.2012 / 11:59
Як жа так, нашы мусульманскія сябры, з якімі мы змагаемся супраць крыжаносна-імпэрыялістычнай эўрапейска-амэрыканскай навалы, раптам нас разлюбілі?
0
казка / Адказаць
25.05.2012 / 12:07
наступнaя казка ад КДБ, на гранi фантастыкi :D
Паказаць усе каментары/ 58 /
Каб пакінуць каментар, калі ласка, актывуйце JavaScript у наладах свайго браўзеру