22.03.2007 / 17:10

У БРСМ сваё 25 Сакавіка 12

25 сакавіка Беларускі рэспубліканскі саюз моладзі адзначыць шэрагам канцэртаў па ўсім Менску.

25 сакавіка Беларускі рэспубліканскі саюз моладзі адзначыць шэрагам канцэртаў па ўсім Менску. Праўда, у арганізацыі зазначаюць, што гэтыя акцыі ня маюць ніякага дачыненьня да сьвяткаваньня Дня абвяшчэньня незалежнасьці БНР.

Акцыя БРСМ мае назву «За незалежную Беларусь» (па‑расейску, натуральна).

А 11‑й гадзіне на пляцоўцы ля Нацыянальнай бібліятэкі адчыніцца кірмаш, а 12‑й тамсама пройдзе канцэрт творчых калектываў і выканаўцаў. Ля аэрапорту «Менск‑1» пройдзе фэстываль моладзевай вулічнай культуры.

Мерапрыемствы ладзіць БРСМ сумесна з аддзелам па справах моладзі Менгарвыканкаму. У БРСМ зазначаюць, што акцыя ня мае ніякага дачыненьняў да акцыі апазыцыі, «проста на вуліцы вясна, моладзь стала часьцей сустракацца, неабходна арганізаваць іх культурны досуг», — патлумачыў начальнік упраўленьня ідэалягічнай работы Менгарвыканкаму.

Аляксандар Мілінкевіч у інтэрвію "Хартыі'97" наступным чынам пракамэнтаваў дзеяньні ўладаў:

«Той факт, што ўлады плануюць праводзіць 25 сакавіка ў Менску мерапрыемствы пад лозунгам «За незалежную Беларусь!», на мой погляд, гаворыць пра тое, што яны часткова прызналі свята, але пакуль яшчэ не гатовыя святкаваць гэты дзень разам з народам. Наступным крокам можа стаць наданне Дню Волі статусу дзяржаўнага свята. Я заклікаю беларусаў прыйсці 25 сакавіка на плошчу Каліноўскага ў Менску, каб разам адсвяткаваць Дзень Волі, прадэманстраваць гатоўнасць абараняць незалежнасць краіны, якая сёння апынулася пад пагрозай. Улада таксама павінна падумаць пра краіну, пра людзей і станоўча адказаць на прапановы Еўрапейскага Звяза пачаць у Беларусі дэмакратычныя ператварэнні. Час для гэтага прыйшоў»,

Фота Арцёма Лявы

Ул. інф.

0
Залеўскі / Адказаць
22.03.2007 / 17:28
буракі
0
hm / Адказаць
22.03.2007 / 18:28
фэстываль моладзевай вулічнай культуры - xaroshaja farmulouka. raju maladafrontaucam zapomnic :)
0
Ецi / Адказаць
22.03.2007 / 19:39
Малайцы! Рэклямуюць 25-е сакавiка! людзi, гэта толькi нам на карысьць))
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру