Пракуратура праводзіць праверку дзейнасці тэлеканала «Белсат» у Беларусі. Аб гэтым паведамляе афіцыйны сайт канала.
Як лічыць прадстаўнік тэлеканала ў Беларусі Міхась Янчук, гэта можа быць звязана з тым, што ў найбліжэйшы час «Белсат» збіраецца ў чарговы раз падаць дакументы на акрэдытацыю. «Цалкам імаверна, што ўжо загадзя ідзе пошук фармальных падставаў для адмовы», — адзначыў Янчук.
Ён нагадаў, што
«Белсат» ужо двойчы падаваў дакументы на акрэдытацыю ў Беларусі — тры і два гады таму, але кожны раз атрымліваў адмову.Першая была з фармулёўкаю «Пададзеныя дакументы не адпавядаюць заканадаўству», хаця, паводле слоў Янчука, змены ў парадак акрэдытацыі былі ўнесены праз два дні пасля падачы дакументаў. Другі раз, паведаміў прадстаўнік канала, у акрэдытацыі адмовілі ў сувязі са «шматлікімі парушэннямі ў дзейнасці журналістаў канала, якія выявіла менавіта пракуратура». Размова ішла пра працу без акрэдытацыі.
На гэты раз, лічыць Янчук,
наступствамі пракурорскай праверкі можа стаць «адміністратыўная адказнасць, абвінавачанні ў працы на замежны сродак масавай інфармацыі без акрэдытацыі».
Нагадаем, 23 мая ў Мінску каля Палаца культуры чыгуначнікаў былі затрыманы журналісты Любоў Лебедзева і Алесь Любянчук, якія запісвалі інтэрв’ю для «Белсата» з праваабаронцам Андрэем Бандарэнкам, кіраўніком
Лебедзеву адпусцілі амаль адразу, тэлеаператара — пасля дачы тлумачэнняў. Любянчук правёў у Кастрычніцкім РУУС больш як 2,5 гадзіны. Паводле слоў журналіста, у міліцыі яму «паабяцалі», што гісторыя з сённяшнім затрыманнем будзе мець працяг.
Спадарожнікавае тэлебачанне «Белсат» вяшчае з 10 снежня 2007 года. Канал быў створаны як структурная адзінка Польскага тэлебачання, дзе і месціцца афіцыйная рэдакцыя «Белсата». На тэрыторыі Беларусі канал не мае афіцыйнага статусу і яго праца абапіраецца на фрылансераў.
