28.05.2012 / 16:53

Камсамольскае возера — гэта вам парк, а не зона масавага адпачынку 8

Напэўна, не зусім прыстойна распранацца і загараць у гарадскім парку», мяркуе чыноўніца.

Усе пляжы беларускай сталіцы замацаваныя за адміністрацыйнымі раёнамі, нагадала 28 мая на прэс-канферэнцыі ў Мінску начальнік аддзела ўтрымання і добраўпарадкавання аб’ектаў зялёнай гаспадаркі УП «Мінскзеленбуд» Анжаліка Пузанкова. Паводле яе слоў, усе гарадскія пляжы прыведзены ў належны санітарны стан — адрамантавана і пафарбавана абсталяванне, абуладкаваны дзіцячыя спортпляцоўкі — і 25 мая прыняты камісіяй да эксплуатацыі.

Рэканструяваныя пляжы ў Драздах, завяршаюцца работы на Цнянскім вадасховішчы. У той жа час, адзначыла Пузанкова, вельмі шмат паступае пытанняў наконт Камсамольскага возера. «Там няма афіцыйнай зоны адпачынку, — патлумачыла яна, — гэта тэрыторыя парку Перамогі, дзе ёсць раздзяленне на „ціхую“ зону, спартыўную, ёсць там і зона рэкрэацыі каля вады. Але яна не з’яўляецца зонай масавага адпачынку — напэўна, не зусім прыстойна распранацца і класціся загараць у гарадскім парку».

0
Варган / Адказаць
28.05.2012 / 17:05
Чаму б не пазагараць у гарадскім парку? Паркі ўсё ж для адпачынку ці каб чытаць пра іх у газетах?
0
Бенедзікт / Адказаць
28.05.2012 / 18:40
Пузанкова - "...напэўна, не зусім прыстойна распранацца і класціся загараць у гарадскім парку" ------------------------------------------------------ На "гнілым" Захадзе менавіта так і робяць - распранаюцца і загараюць у парках. Праўда там не пьюць піва ды гарэлку і не лаюцца з выкарыстаньнем расейскага мата... Але што зробіш, гэтыя заходнія дурні не ведаюць, што такое - прыстойна (у разуменьні мадам Пузанковай).
0
Partyzan / Адказаць
28.05.2012 / 18:47
З Уралу са сваім "уставом".
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру