У студзені -- красавіку 2012 года намінальная налічаная сярэднямесячная заработная плата работнікаў склала 3 млн 66,9 тыс. рублёў.
Аднак 84,9% работнікаў арганізацый Беларусі ў сакавіку 2012 года атрымлівалі заробак «бруднымі» (з улікам падатковых адлічэнняў) у дыяпазоне ад 1 да 3 млн рублёў.
У сакавіку 2012 года работнікі 71,1% арганізацый краіны (без уліку мікраарганізацый і малых арганізацый недзяржаўнай формы ўласнасці) атрымлівалі заработную плату ад 2 да 3 млн рублёў пры яе сярэднерэспубліканскім узроўні, роўным 3,2 млн рублёў.
Пра гэта гаворыцца ў аналітычным аглядзе Нацбанка, апублікаваным сёння.
Узровень рэальнай заработнай платы (з улікам інфляцыі) у студзені -- красавіку гэтага года дасягнуў ўзроўню студзеня -- красавіка 2011 года. У красавіку 2012 года ў параўнанні з красавіком 2011 года яна павялічылася на 3,4%, а ў параўнанні са снежнем 2011 года -- на 5,8%.
Такім чынам, па стане на сакавік 2012-га запаветныя $500 зарплаты атрымлівалі ўсяго 5,2% беларусаў.
0
0
0
0
0
0