У Гродне чакалі навальніцы. Стаяла хмара, наляцеў шквал.
Раптам, расказваюць відавочцы, утварыўся віхор. На адной са стаянак на праспекце Кляцкова рэзкім парывам на метры два прыўзняло і закруціла бусік. Гэта быў сапраўдны тарнада! — кажуць гарадзенцы. — На шчасце, ён праіснаваў нядоўга.
Так супала, што фотакарэспандэнт НН Сяргей Гудзілін акурат на гэтыя выходныя выправіўся ў Гродна для здымак юбілею лютэранскай парафіі. Ён сам не бачыў смерчу, але пагаварыў з відавочцамі.
Цяпер выпадкам займаюцца страхаўшчыкі. Незвычайная для нашых шыротаў прыродная з’ява нанесла шкоды. Бусік Mercedes у часе «прызямлення» зачапіў легкавік Audi. Узнятыя віхурай смеццевыя бакі пабілі іншыя машыны.
0
0
0
0
0
0
