Такія дадзеныя ўтрымліваюцца ў апошняй справаздачы Харчовай і сельскагаспадарчай арганізацыі ААН.
Індэкс цэн на збожжавыя культуры знізіўся на 2,3 пункта — з 223,3 да 221 (-1%), у параўнанні з маем мінулага года цэны знізіліся на 15%.
Індэкс цэн на алей і жывёльныя тлушчы ўпаў за месяц на 6,8% — з 251 да 234 пунктаў. У параўнанні з маем мінулага года індэкс цэн знізіўся на 10%.
Цэны на мяса таксама знізіліся, хоць і нязначна. Індэкс цэн на гэты від прадукцыі ўпаў на 0,5% у параўнанні з красавіком і на столькі ж у параўнанні з мінулым годам. Цэны на мяса на працягу года ўжо знаходзяцца на высокіх узроўнях, і іх штомесячныя ваганні не перавышаюць 1%.
У справаздачы адзначаецца значнае зніжэнне цэн на малочную прадукцыю. За месяц яны на ўпалі на 12%, а ў гадавым вымярэнні — на 29%.
Цэны на цукар таксама падаюць. За месяц індэкс знізіўся на 9%, а ў параўнанні з маем мінулага года — на 5%.