Нестандартны выпадак адбыўся ў панядзелак вечарам у сталіцы, на беразе ракі Свіслач. У мікрараёне Серабранка, недалёка ад вуліцы Малініна, аўтамабіль Peugeot апынуўся ў вадзе.
Машына з'ехала за межы праезнай часткі пры досыць пікантных абставінах.
У ДАІ Ленінскага раёна паведамілі, што здарэнне як ДТЗ не афармлялася: «Са словаў маладога чалавека, які прадставіўся гаспадаром машыны, ён вырашыў у бязлюдным месцы прыемна пабавіць час з дзяўчынай. Паставіў машыну на ручны тормаз.
У нейкі момант выпадкова націснуў на «ручнік», і Peugeot пакаціўся. Пасля падзення ў раку пара выбралася з аўтамабіля, малады чалавек выклікаў эвакуатар.Алкаголю ў крыві выяўлена не было».
0
0
0
0
0
0
