«Х'ю Лоры не казаў: «Я хачу на лінію Сталіна»

Што будзе рабіць доктар Хаус у Мінску і што ён наогул ведае аб нашым горадзе — дагэтуль загадка. Аляксандра Раманава, піяр-менеджэр мінскага агенцтва Allstars, не схільная раскрываць планы акцёра. «Х’ю Лоры не чытаў у Google пра Беларусь і не казаў „я хачу на лінію Сталіна“. Ён сам будзе выбіраць месца, а мы ў сваю чаргу пастараемся нешта падказаць і распавесці, калі ў яго будзе жаданне, — працягвае Аляксандра. — У артыста павінна заставацца магчымасць асабістага жыцця. Каб за ім не хадзілі натоўпу фанатаў».

Ведаючы, што Лоры вельмі асцярожны ў зносінах з прыхільнікамі на месцах, зразумець канфідэнцыйнасць візіту можна. Тым больш,

за акцёрам у гэтым туры плануюць ісці, наступаючы на пяты, адразу чатыры фан-клубы з розных краін.

Дарэчы, падчас выступу ў Кіеве, напрыклад, за кулісамі будзе перакладчык, які перакладзе гледачам усё сказанае Лоры на сцэне. Цікава, а як будзе ў Мінску?

Зрэшты, некаторыя падрабязнасці візіту Хаўса вядомыя. Напрыклад, за 4 канцэрты туру (канцэрт у Кіеве, у Мінску і два ў Маскве) Х’ю Лоры заробіць 700 000 даляраў — практычна столькі ж, колькі зарабіў бы за здымкі ў двух эпізодах «Доктара Хаўса».

Кошты на квіткі ў трох гарадах тура моцна адрозніваюцца: у Маскве квіткі ў КВЦ «Сакольнікі» каштуюць ад 1 250 000 да 5 500 000 BYR, у Палацы «Украіна» ад 257 000 да 3 000 000. У Мінску самыя дарагія квіткі (першыя шэрагі партэра) абыйдуцца ў 1 500 000 BYR. Самыя танныя каштавалі 350 000, але былі раскупленыя яшчэ сто гадоў таму. Як кажуць у касах Палаца Рэспублікі, свабоднай застаецца менш за палову залы.

Напэўна,

у адпаведнасці з райдэрам, знакаміты артыст і ў Мінску адмовіцца ад наведвання рэстаранаў.

Лоры гатовы харчавацца звычайнай ежай, якую будуць падаваць у гасцініцы.

У райдэры музыкі паказана, што на стале абавязкова павінна быць нарэзка з розных відаў сыру, садавіна, чорны шакалад і шмат каньяку.

Ці павядуць Лоры ў «Лакомка» або «Крышталь», пакуль застаецца загадкай.

Citydog.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ