Лёгкі скандал у палаце прадстаўнікоў 5

Супраць выступіў дэпутат Уладзімір Кужанаў. Ён сказаў: «Гэта вельмі важны закон, і я ведаю, што ёсць прапанова прэзідэнта краіны прыняць яго на гэтай сесіі. Але калі мы так сёння зробім, дык мы парушым рэгламент. Справа ў тым, што мы атрымалі законапраект толькі 12 чэрвеня, а 14 чэрвеня ўжо яго абмяркоўваем».

Намесьнік старшыні палаты прадстаўнікоў Віктар Гумінскі, які вядзе сёння пасяджэнне, адзначыў, што дэ-юрэ спадар Кужанаў мае рацыю, «але дэ-факта мы атрымалі праект закона 8 чэрвеня ў 9.49, і ў той жа дзень у 14.32 гэты законапраект быў на сайце палаты прадстаўнікоў. Тры дні дэпутаты маглі працаваць і ўносіць свае прапановы, што некаторыя з іх і зрабілі», — адзначыў Гумінскі.

«Рэгламэнт — не канстытуцыя Рэспублікі Беларусь. Жыццё ставіць нас у пэўныя сітуацыі, і мы можам з іх выйсці», — сказаў у заключэнні Віктар Гумінскі.

Дэпутат Кужанаў не настойваў на галасаванні па яго прапанове, таму законапраект «Аб сьледчым камітэце Рэспублікі Беларусь» застаўся ў парадку сённяшняга пасяджэння і будзе разгледжаны.

Радыё Свабода

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ