14.06.2012 / 17:12

Не член партыі, не з картай паляка 3

Палата прадстаўнікоў прыняла ў першым чытанні законапраект "Аб Следчым камітэце"

Палата прадстаўнікоў Нацыянальнага сходу Беларусі прыняла ў першым чытанні законапраект «Аб Следчым камітэце». Дакумент прадстаўляў дырэктар Нацыянальнага цэнтра заканадаўства і прававых даследаванняў Вадзім Іпатаў.

Праект закона вызначае арганізацыйна-прававыя асновы дзейнасці СК — ад яго структуры да сацыяльнай абароны супрацоўнікаў. Дакумент устараняе «прабелы, якія цяпер ёсць у заканадаўстве», падкрэсліў Іпатаў.

Згодна з законапраектам, на працу ў СК не можа быць прыняты «грамадзянін, які раней учыніў злачынства, недзеяздольны або абмежаванай дзеяздольнасці, а таксама які адмовіўся ад праходжання спецыяльна прадугледжанай працэдуры».

Супрацоўнік СК не можа быць членам палітычнай партыі і грамадскага аб’яднання, якое мае палітычныя мэты, а таксама атрымліваць ад замежных дзяржаў перавагі, звязаныя з палітычнымі перакананнямі або нацыянальнай прыналежнасцю.
Законапраект прадугледжвае, што супрацоўнікі СК не могуць займаць іншыя аплачваемыя пасады, акрамя тых, якія звязаны з выкладчыцкай і навуковай дзейнасцю.
Дакумент вызначае паўнамоцтвы работнікаў СК, абставіны прымянення імі фізічнай сілы, спецсродкаў і зброі.

У дэпутатаў узнікла шмат пытанняў да выкарыстаных у законапраекце фармулёвак, а таксама да момантаў, якія тычацца льгот для супрацоўнікаў СК, умоў прымянення імі фізічнай сілы і зброі, паўнамоцтваў часова адбіраць у грамадзян асабістыя аўтамабілі для службовых мэтаў.

Адказваючы на пытанне аднаго з дэпутатаў наконт сацыяльных гарантый для супрацоўнікаў СК, Іпатаў патлумачыў, што, паколькі камітэт фарміраваўся са следчых падраздзяленняў міліцыі, пракуратуры і іншых органаў, у законапраекце ўказваюцца сацыяльныя гарантыі, якія былі прадугледжаны для супрацоўнікаў гэтых сілавых структур. «Гэтую планку гарантый мы не маглі апусціць», — падкрэсліў Іпатаў.

Дэпутат Алена Дзікавіцкая ў сваю чаргу сказала дакладчыку: «Вам трэба наняць філолагаў, каб правільна сфармуляваць тэкст, таму што пакуль тут сэнс мяняецца ў залежнасці ад прачытання».

Намеснік старшыні Палаты прадстаўнікоў Віктар Гумінскі падкрэсліў, што разгляд законапраекта ў другім чытанні запланаваны на 27 чэрвеня, таму ў дэпутатаў будзе магчымасць за астатнія два тыдні ўнесці свае заўвагі і прапановы.

Пасля гэтага законапраект быў прыняты ў першым чытанні. За прыняцце прагаласавалі 72 дэпутаты, супраць — 14, устрымаліся — 19.

0
Korj / Адказаць
14.06.2012 / 18:49
Задзяўблі з перадрукам з белапану. Якая "палата"?! Якія "дэпутаты"?! Хто іх выбіраў, адкуль у Беларусі якая "палата", акрамя як з самаабвешчаных луковых незаконных дэкрэтаў? Хопіць рэтрансляваць БТ і ім падобныя сродкі масавай дэзінфармацыі на старонках НН! Ці вы гэтак (сьледам за белапан) рыхтуеце народ ісьці на "вырабы" ў "палату" - вось, маўляў, ёсьць там дэпутаты, вырашаюць важкія пытаньні?
0
Куся / Адказаць
14.06.2012 / 18:53
Не член и не с картой. Это как?
0
Guinness / Адказаць
14.06.2012 / 19:21
З IQ не болей за 70.
Каб пакінуць каментар, калі ласка, актывуйце JavaScript у наладах свайго браўзеру