14.06.2012 / 19:16

Каля Сафійскага сабора знайшлі новы падземны ход — фоты 9

Вышынёй пад два метры, з чырвонай цэглы.

У Полацку мясцовым краязнаўцам — Андрэю і Аляксею Бухавецкім — атрымалася знайсці новы, пакуль яшчэ не даследаваны ўчастак полацкіх падзямелляў.

Паўразбуранае скляпенне браты ўбачылі пры абыходзе берага ракі Палаты непадалёку ад Сафійскага сабора.

«Дзверы» у падзямелле з’явілася дзякуючы апоўзню.

Па словах краязнаўцаў, унікальнасць знаходкі ў тым, што на тэрыторыі Верхняга замка падземны ход выяўлены ўпершыню. Да гэтага геаграфія полацкіх падзямелляў абмяжоўвалася раёнам кадэцкага корпуса і Мікалаеўскага сабора.

«Мы крыху расчысцілі ўваход і спусціліся ўніз, — распавёў Андрэй Бухавецкі. —

Ход апынуўся вялікі, у рост чалавека. Вышыня ходу — 1,8 м, шырыня — 1,3 м.
Сцены і скляпенне выкладзеныя з вялікай чырвонай цэглы, як мяркуецца, 18 стагоддзя. Над галавой і на сценах плямы чорнай сажы, напэўна, ад паходняў. У сцены ўбітыя дробныя металічныя мыліцы.
Удалося прайсці каля 80 метраў, потым стала душна. Увесь пройдзены ўчастак сухі, вады і завалаў не выяўлена. Ход ідзе ў бок Сафійскага сабора, дзе калісьці стаяў Кляштар базыльянаў».

Полацкія краязнаўцы захоўваюць у таямніцы дакладнае месца размяшчэння ўваходу і плануюць у бліжэйшы час правесці больш дэталёвае даследаванне падзямелляў з ужываннем спецсродкаў.

0
Люн / Адказаць
14.06.2012 / 19:32
Так і ведаў, што Ластоўскі ў "Лябірынтах" праўду пісаў!
0
Simpson / Адказаць
14.06.2012 / 20:11
"з ужываннем спецсродкаў". З АМОНам?:)))
0
Сяргей Тарасаў / Адказаць
14.06.2012 / 21:22
Хлопцы! Вы бы засыпалі тое вусце базыліянскага дрэнажу тым жа бальнічным смеццем, з пад якога адкапалі. Не дай Бог, якое дзіця ўлезе! Вы ж і самі ведаеце, што гэта не хады. Па гэтаму мне самому даводзілася поўзаць амаль 30 гадоў таму. Ёсць і здымкі, і справаздачы, і малюнкі. Падобных многа вакол Сафіі. Як будуць планы ўмацавання яе падмуркаў, то не блага было б частку з іх прачысціць. Гэта досыць вялікая і прадуманая сістэма вываду "верхаводкі" дзеля захавання вапнавай рошчыны падмуркаў 11 стагоддзя. Нажаль, у 1970-х яна была парушана.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру