У выхадныя ў Беларусі пацяплее, месцамі да +32°С

Згодна з прагнозам Рэспубліканскага гідраметэацэнтра, у найбліжэйшыя суткі па ўсходняй палове Беларусі чакаюцца кароткачасовыя дажджы, днём месцамі навальніцы. У начныя і ранішнія гадзіны ў асобных раёнах слабы туман. Вецер паўночна-заходні 4–9 м/с, парывы да 14 м/с. Тэмпература паветра ноччу +8–15°С,

днём ад +19°С на паўночным усходзе да +25°С на паўднёвым захадзе краіны.

У Мінску ў суботу ноччу кароткачасовы дождж, днём без істотных ападкаў. Вецер паўночна-заходні 4–9 м/с.

Тэмпература паветра ноччу +11–13°С, днём +21–23°С.

У наступныя двое сутак па краіне чакаецца пераменная воблачнасць. У нядзелю, 17 чэрвеня, ноччу пераважна без ападкаў. Днём па паўночна-заходняй палове кароткачасовыя дажджы, месцамі навальніцы. Вецер паўднёва-заходні 4–9 м/с, днём пры навальніцах парывы да 15–20 м/с. Тэмпература паветра ноччу +8–15°С,

днём +24–30°С, па Брэсцкай і Гомельскай абласцях да +32°С.

У панядзелак, 18 чэрвеня, ноччу месцамі кароткачасовыя дажджы, навальніцы. Днём пераважна без ападкаў. Вецер няўстойлівы 4–9 м/с, пры навальніцах парывы да 14 м/с.

Тэмпература паветра ноччу +11–18°С, днём +22–28°С, па паўднёвым захадзе да +30°С.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ