Культура44

Глыбокае перад Днём беларускага пісьменства

Ужо некалькі месяцаў глыбачане жывуць нібыта на будаўнічай пляцоўцы.

Як і пад «Дажынкі», пад Дзень беларускага пісьменства і друку, які сёлета будуць адзначаць 2 верасня, выдаткоўваюцца значныя сродкі на добраўпарадкаванне. Таму ў Глыбокім цяпер няспынна дзе кладуць плітку, дзе паднаўляюць будынкі на цэнтральных вуліцах, а дзе і нішчаць старую забудову.

Прыкладам, пад новую аўтастаянку знішчылі пабудову XVIII стагоддзя, рытуальную габрэйскую лазню-мікву, гаворыць мясцовы краязнаўца Уладзімір Скрабатун, з якім пад грукат будаўнічай тэхнікі давялося прагуляцца па Глыбокім:

«Вось дзе гатэль, то бліжэй на 20 метраў і была тая міква. Казалі, што ўсё вызначана — што яе будуць рэстаўраваць пад нейкі турыстычны аб’ект, пад офіс. І вось — цяпер стаянка. Нібыта галоўная мэта — адрэстаўраваць будынак райвыканкама і ўнівермага».

Спадар Скрабатун дзівіцца: сяміпавярховы цагляны будынак райвыканкама «ўцяпляюць», як гэта робяць з жылымі дамамі — «абшываюць» панелямі з адмысловых матэрыялаў. Што яшчэ больш дзіўна — гэткім самым чынам «уцяпляюць» універмаг:

«Нармальны быў будынак. Не, столькі грошай убухаюць, пад „футра“ затынкуюць… А во — гэта яшчэ шэдэўр! Сучасную „хрушчоўку“ перарабілі пад барока! Ліштвы навесілі з пенапласту, усё такое. Не, можа, гэта і прыгожа… але каб сучасны будынак перарабіць пад даўніну?»

На думку краязнаўцы, сучасныя будынкі лепей было не чапаць — той самы райвыканкам праз 30–40 гадоў таксама стаў бы ўжо помнікам архітэктуры. Варта было б пашкадаваць і старыя дрэвы — іх месцамі спілоўваюць, пакідаючы голыя плешкі.

Голая плешка ўтварылася і ў тым месцы, дзе яшчэ месяц таму быў помнік Леніну. Помнік знеслі, і, паводле некаторых звестак, на гэтым месцы будзе галерэя скульптурных бюстаў знакамітых ураджэнцаў Глыбоччыны. У прыватнасці, заснавальніка беларускага тэатра Ігната Буйніцкага, мастака і пісьменніка Язэпа Драздовіча, авіяканструктара Паўла Сухога і нават прэм’ер-міністра БНР Вацлава Ластоўскага, апавёў Уладзімір Скрабатун:

«Мне чыноўнік адзін казаў, што будуць бюсты нашых славутых землякоў, Ластоўскага, Сухога… Я не ведаю нават, верыць гэтаму ці не!»

Асаблівае веры спадар Уладзімір не дае, бо не бачыць зрухаў у патрыятычным кірунку — здавалася б, набліжаецца Дзень беларускага пісьменства і друку, а беларушчыны ў Глыбокім ніяк не пабольшала. У якасці прыкладу Уладзімір Скрабатун паказвае на красамоўную шыльду Глыбоцкага кансервавага завода, дзе напісана «Купцовъ» — па-расійску, з «ерам» у канцы.

«І гэта будзе якраз у цэнтральнай частцы свята! І ўвогуле да Дня беларускага пісьменства я не бачыў, каб памянялі хоць адну шыльду. На дарозе ўказальнікі памянялі, яны былі па-расійску. А на вуліцы — грошай не хапіла. Вось на вуліцы Леніна месціцца ўсё, што ёсць у Глыбокім галоўнага: прадпрыемствы, райвыканкам, розныя ўстановы. Але вуліца Леніна так і засталася Леніна».

Каб вярнуць ёй гістарычнае найменне Замкавая, трэба перарабіць шмат дакументаў і пячатак, патлумачылі Уладзіміру Скрабатуну. А гэта каштуе шмат грошай. Тым не менш, на новых шыльдах «улица Ленина» таксама напісаная па-расійску.

Шмат якія будынкі на гэтай цэнтральнай вуліцы яшчэ ў рыштаваннях, хоць у «пашпартах будаўнічых аб’ектаў» пазначана, што значную частку іх павінныя былі здаць яшчэ ў пачатку чэрвеня.

Каментары4

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Гэтай мінчанцы 17 гадоў, а яна ўваходзіць у топ-10 найлепшых хэндлераў Еўропы1

Гэтай мінчанцы 17 гадоў, а яна ўваходзіць у топ-10 найлепшых хэндлераў Еўропы

Усе навіны →
Усе навіны

У Швейцарыі заўважылі цэлую групу турыстаў у нацысцкай форме8

Вытворца лялек Лабубу абышоў па сваёй капіталізацыі «Газпрам»2

Навошта мужчыны шлюць жанчынам дыкпікі?22

Аб'яднаны пераходны кабінет выказаўся адносна дыкпікаў Стрыжака18

Калумбійскі порнаакцёр спачатку забіў, а пасля расчляніў двух сваіх знаёмых-брытанцаў3

«Бураць, бураць і атрымліваюць ваду». Лукашэнку давялося тлумачыць, чаму знайсці радовішчы нафты не так проста8

Ціханоўскі пасля шуміхі вакол яго слоў пра аўтаномныя «астравы» беларусаў за мяжой патлумачыў сваю пазіцыю24

Наўседа выказаўся наконт ідэі Ціханоўскага пра аўтаномныя «астравы» беларусаў у розных краінах30

У офіс расійскага тэлеграм-канала Baza прыйшлі сілавікі, галоўны рэдактар затрыманы

больш чытаных навін
больш лайканых навін

Гэтай мінчанцы 17 гадоў, а яна ўваходзіць у топ-10 найлепшых хэндлераў Еўропы1

Гэтай мінчанцы 17 гадоў, а яна ўваходзіць у топ-10 найлепшых хэндлераў Еўропы

Галоўнае
Усе навіны →

Заўвага:

 

 

 

 

Закрыць Паведаміць