19.06.2012 / 15:00

Прэмія «За свабоду думкі» застала Вольскага ў Чарнагорыі 3

Іншым лаўрэатам стаў легендарны Алесь Белакоз.

Сёння, у дзень народзінаў Васіля Быкава, на яго радзіме, у вёсцы Бычкі на Ушаччыне, уручаюць прэмію «За свабоду думкі». Прэмія заснаваная рухам «За Свабоду» пад кіраўніцтвам Аляксандра Мілінкевіча і ўручаецца выбітным культурным і грамадскім дзеячам.

Сёлета лаўрэатамі будуць дзве асобы. Як паведамляе карэспандэнт НН, першы прэмію атрымаў 84-гадовы Алесь Белакоз. Заслужаны настаўнік Беларусі, заслужаны дзеяч культуры, ён быў сярод першых ушанаваных медалём імя Францыска Скарыны. Белакоз стварыў унікальны Гудзевіцкі дзяржаўны літаратурна-гістарычны музей, які ўзначальваў 30 гадоў.

Аляксандр Мілінкевіч назваў яго «хрышчоным бацькам Адраджэння на Гродзеншчыне».

Алесь Белакоз доўга прамаўляў у адказ. Пры канцы настаўнік, які, да таго ж, сам сябе вылечыў ад раку, звярнуўся да прысутных з заклікам звяртацца да яго, «калі лекі не дапамагаюць».

Другім лаўрэатам прэміі «За свабоду думкі» стаў музыка Лявон Вольскі. Ён на ўрачыстасці не прысутнічаў, бо цяпер знаходзіцца ў Чарнагорыі. «Я пра Чарнагорыю доўга марыў, таму не магу адмовіцца, а пра прэмію нават і не марыў, таму таксама адмовіцца не магу», — працытаваў яго словы кіраўнік «Руху за свабоду» Аляксандр Мілінкевіч.

Прэмія «За свабоду думкі» заснаваная «Рухам за Свабоду», які ўзначальвае кандыдат у прэзідэнты ад дэмакратычнай апазіцыі на выбарах 2006 года Аляксандр Мілінкевіч.

У папярэднія гады прэмію атрымлівалі Уладзімір Арлоў, Рыгор Барадулін, Павал Севярынец, Ада Райчонак, Алесь Пушкін, Уладзімір Някляеў.

Хочаш падзяліцца важнай інфармацыяй ананімна і канфідэнцыйна?

АР

0
ПРыхільніца / Адказаць
19.06.2012 / 18:29
Дзякуй, выправілі. - Рэд.
0
да чаго папусьціліся палітыканы / Адказаць
19.06.2012 / 21:16
а якія ў гэтага бізнэсмана думкі ? На свабодзе (РС) няма СВАБОДЫ. Але ляпіць з нацыі вобразы прыдуркаў "Саўкі ды Грышкі" там дазволена ў неабмежаванай колькасьці. За гэта яму яшчэ валюту плацяць. Мне брыдка слухаць падшывальца...
0
бабулька / Адказаць
20.06.2012 / 08:21
Вольскi, давай Сауку и Грышку кожны дзень новыя песьнi, хай у халуей усе склеiцца ад злосцi.
Каб пакінуць каментар, калі ласка, актывуйце JavaScript у наладах свайго браўзеру