19.06.2012 / 19:16

Паганяйла: Мне давялося самому пацвярджаць, што я — не «казёл» 2

Юрыст «Беларускага Хельсінкскага камітэта» судзіцца з Мінюстам з-за ўключэння ў спіс невыязных.

Суд па скарзе кіраўніка юрыдычнай службы праваабарончага грамадскага аб’яднання «Беларускі Хельсінкскі камітэт» (БХК) Гары Паганяйлы на дзеянні МУС і Мінюста па ўключэнні яго ў спісы невыязных перанесены на 22 чэрвеня.

Скаргу разглядае суд Маскоўскага раёна Мінска, працэс вядзе суддзя Вольга Глушакова.

«Хоць дзеянні па маіх скаргах павінны былі распачаць чыноўнікі тых міністэрстваў і ведамстваў, куды я іх накіроўваў, — распавёў у інтэрв’ю БелаПАН Паганяйла, — мне самому давялося збіраць доказы сваёй, скажам так, невінаватасці, пацвярджаць тыя абставіны, што я — не „казёл“.
Я сабраў з судоў агульнай юрысдыкцыі, гаспадарчых судоў і упраўленняў юстыцыі звесткі, у якіх значылася, што
ніводзін суд Беларусі не прымаў у дачыненні да мяне засцерагальных мер у выглядзе часовага забароны на выезд за межы краіны і адпаведныя звесткі не прадстаўляў у ведамасны банк звестак Міністэрства юстыцыі. І, адпаведна, Мінюст не падаваў такія звесткі ў МУС, дзе я фігурую як асоба, абмежаваная ў правах на выезд».

Паганяйла нагадаў, што

ў сваіх публічных выступах кіраўнік дзяржавы не раз казаў аб спісе невыязных апазіцыянераў і праваабаронцаў, якія ўнесеныя ў яго ў пакаранне за тое, што патрабуюць ужыванні санкцый да Беларусі.
«Гэта думкі грамадзян, якія могуць крытыкаваць урад, што не супярэчыць Канстытуцыі і законам краіны, — заяўляе праваабаронца. — Тыя грамадзяне і гаспадарчыя суб’екты, хто трапіў пад санкцыі заходніх краін, маюць магчымасць абскардзіць гэтыя дзеянні ў замежных судах. Аднак яны гэтага не робяць, спрабуючы ў ідэалагічным, палітычным плане выкарыстоўваць санкцыі як пудзіла, як тлумачэнне няўдач унутры краіны, у тым ліку і эканамічных».

Паколькі ў суд ні да, ні пасля абеду не з’явіўся прадстаўнік МУС Беларусі, суддзя вырашыла перанесці пасяджэнне на 22 чэрвеня.

Хочаш падзяліцца важнай інфармацыяй ананімна і канфідэнцыйна?

0
вакса / Адказаць
19.06.2012 / 19:55
22 чэрвеня, 71 год таму, пачалася нямецка-савецкая вайна як працяг Другой сусьветнай. Войны сатрасаюць Сасут и зараз! Войны хлусьні і самадурства. Посьпехаў вам, сп. "не казёл" Паганяйла!
0
illDoctor / Адказаць
20.06.2012 / 14:11
Балаган
Каб пакінуць каментар, калі ласка, актывуйце JavaScript у наладах свайго браўзеру