Рабочыя «Граніту» звязваюць павышэнне заробкаў з дзейнасцю незалежнага прафсаюза
Спынілася і хамскае стаўленне да рабочых з боку кіраўніцтва.
На РУВП «Граніт» (Мікашэвічы) сур’ёзна выраслі зарплаты, налічаныя за май. Пра гэта «Салідарнасці» паведаміў лідар першаснай арганізацыі Беларускага незалежнага прафсаюза гэтага прадпрыемства Алег Стахаевіч.
— У маі заробкі ў сярэднім павялічыліся ўдвая, — адзначыў прафсаюзны лідар. —
Самыя высокааплатныя спецыяльнасці — кіроўцы «БелАЗаў» сталі атрымліваць ад 8 да 11 мільёнаў рублёў, машыністы экскаватараў — 7–9 мільёнаў. Рабочыя іншых спецыяльнасцяў — прыкладна 4–6 мільёнаў рублёў у месяц.Гаворка ідзе не пра налічаную, а пра «чыстую», атрыманую на рукі зарплату.
Многія рабочыя «Граніту» такое шчодрае павышэнне зарплаты наймальнікам звязваюць з дзейнасцю незалежнага прафсаюза.
— Самае галоўнае —
спынілася хамскае стаўленне да простых рабочых з боку кіраўніцтва.З намі сталі зусім інакш гаварыць, — адзначыў Алег Стахаевіч.
Паводле яго слоў,
яшчэ паўгода таму кіраўніцтва «Граніту» сцвярджала, што заробкі павялічыць магчымасці няма.
— Убачыўшы, што членаў пярвічкі БНП менш не становіцца (больш за тое, што да нас прыходзяць новыя людзі), усяго за месяц заробак вырас удвая. Думаю, што
разлік начальства задобрыць рабочых і паменшыць такім чынам уплыў і папулярнасць незалежнага прафсаюза, — не спрацуе.Людзі бачаць, што дзякуючы згуртаванасці і цвёрдай пазіцыі можна чагосьці дасягнуць. Працоўныя звязваюць рост заробкаў з эфектыўнай дзейнасцю прафсаюза, — падсумаваў прафсаюзны лідар.
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме32
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары