29.06.2012 / 13:33

Спікер палаты: У парламент павінны прыйсці людзі, якія даказалі адданасць Радзіме 6

У парламент новага склікання павінны прыйсці людзі, якія даказалі адданасць Радзіме, заявіў старшыня палаты прадстаўнікоў нацыянальнага сходу Беларусі Уладзімір Андрэйчанка, закрываючы сёння 10-ю сесію ніжняй палаты.

«У краіне стартавала выбарчая кампанія. Некаторыя з вас возьмуць у ёй актыўны ўдзел. Але і той, хто не пойдзе на выбары, павінен памятаць, што дэпутатаў былых не бывае», — падкрэсліў Андрэйчанка. На дэпутатах, паводле яго слоў, «ляжыць высокая місія — давер выбаршчыкаў».

«Парламентарыі заўсёды былі адной з сіл, якія кансалідуюць грамадства ў адказныя для краіны перыяды, — заявіў старшыня ніжняй палаты. — Сёння мы павінны зрабіць усё для таго, каб у парламент прыйшлі людзі, неабыякавыя да лёсу Радзімы, гатовыя не складаючы рук мацаваць суверэнітэт краіны і служыць на карысць беларускага народа».

Падводзячы вынікі працы цяперашняй сесіі палаты прадстаўнікоў, Андрэйчанка зазначыў, што дэпутаты «аператыўна вырашалі пытанні, якія былі прадыктаваныя актуальнымі праблемамі развіцця грамадства».

Нагадаем, 23 верасня ў Беларусі пройдуць парламенцкія выбары. Аднак дэпутаты палаты прадстаўнікоў дзейнага склікання яшчэ паспеюць правесці заключную кароткатэрміновую сесію, якая павінна адкрыцца 2 кастрычніка.

Напрыклад, сённяшні склад палаты прадстаўнікоў быў абраны на выбарах 28 верасня 2008 года, а першае пасяджэнне прайшло 27 кастрычніка. У прамежку паміж гэтымі датамі былі прынятыя некаторыя законапраекты, у тым ліку бюджэт на 2009 год.

У адпаведнасці з Канстытуцыяй першая пасля выбараў сесія палат парламента склікаецца Цэнтральнай камісіяй па выбарах і правядзенні рэспубліканскіх рэферэндумаў і пачынае працаваць не пазней як праз 30 дзён пасля выбараў.

Хочаш падзяліцца важнай інфармацыяй ананімна і канфідэнцыйна?

0
Hanna / Адказаць
29.06.2012 / 14:34
У парламент новага склікання павінны прыйсці людзі, якія даказалі адданасць Лукашэнкy
0
Электорат, подпишись под списком! / Адказаць
29.06.2012 / 14:38
Власть, как всегда, уже полностью готова разыграть очередной спектакль и получить Hаши подписи под их «списком». А что же оппозиция? 110 депутатов ВС-13, согласившись войти в президентский список, предали своих товарищей, а главное, своих избирателей, перейдя из разряда избранных, в категорию назначенных. С тех пор в стране нет депутатов и нет парламента. Те лидеры партий и общественных движений, которые на днях объявили о своем участии в «выборах», по сути дела написали заявление Лукашенко, что они готовы пополнить ряды назначенных властью якобы депутатов
0
Бераговіч / Адказаць
29.06.2012 / 14:58
Тады мандат нумар адзін павінны аддаць Зянону Станіслававічу.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру