29.06.2012 / 13:40

Найлепшая газета па меркаванні праваслаўнай царквы — «Рэспубліка» 3

Беларуская праваслаўная царква і Мінінфармацыі вызначылі найлепшыя СМІ. У спісы пераможцаў трапілі толькі дзяржаўныя медыя.

Вынікі штогадовага конкурсу рэспубліканскіх ды рэгіянальных СМІ «Беларускае праваслаўе: гісторыя і сучаснасць» абвесцілі БПЦ і Міністэрства інфармацыі — менавіта яны з’яўляюцца сузаснавальнікамі конкурсу.

Узнагароды ахіепіскап Гурый уручаў поруч з намеснікам міністра інфармацыі Уладзімірам Матусевічам, — паведамляе сайт БПЦ.

«Рэспубліка» перамагла ў намінацыі «Друкаваныя рэспубліканскія СМІ»,
сярод «Друкаваных рэгіянальных СМІ» дыплом 1-й ступені атрымала агенцтва «Минск-новости», сярод «Электронных рэспубліканскіх СМІ» — ЗАТ «Другі нацыянальны тэлеканал» (АНТ), сярод «Электронных рэгіянальных СМІ» — ТРК «Гродна».
Намесніку міністра інфармацыі Матусевічу ўладыка Гурый даў медаль свяціцеля Кірылы Тураўскага другой ступені.
Медаль Анастасіі Аковазбавіцелькі атрымалі: спецыяльная карэспандэнтка газеты «Магілёўскія ведамасці» Людміла Грышанава, рэгіянальная карэспандэнтка газеты «Звязда» па Магілёўскай вобласці Ілона Іванова, а таксама намесніца адказнага сакратара брэсцкай абласной газеты «Заря» Вольга Роліч.

Хочаш падзяліцца важнай інфармацыяй ананімна і канфідэнцыйна?

0
тутэйшы / Адказаць
29.06.2012 / 22:34
«Анастасіі Аковазбавіцелькі» +++++ Каго-каго-каго??? Што гэта за хрэнь такая «Аковазбавіцелька»?
0
тутейшаму / Адказаць
29.06.2012 / 22:49
Анастасия Узорешительница - так перевели. Все эти корреспондентки, видимо, много написали про оппозиционеров, которых запер в тюрьму (в узы) самизнаетекто. Вот Гурий поспособствовал...
0
Дзядзька Юзік / Адказаць
30.06.2012 / 11:41
У спісы пераможцаў трапілі толькі дзяржаўныя медыя. _____________________ Дзяржаўная царква - дзяржаўныя медыя.
Каб пакінуць каментар, калі ласка, актывуйце JavaScript у наладах свайго браўзеру