З 30 чэрвеня на вуліцу Пуліхава можна будзе прайсці пад зямлёй.
Адкрыццё новага транспартнага вузла на вуліцы Судмаліса прымеркаванае да 3 ліпеня. З 30 чэрвеня са станцыі метро «Пралетарская», а таксама з платформаў пасадачнай станцыі «Мінск-Усходні» на вуліцу Пуліхава можна будзе прайсці пад зямлёй.
29 чэрвеня ў новыя пераходы старонняму было не патрапіць — там яшчэ кіпела праца. Вакол станцыі і каля перонаў засеялі новыя газоны. Кантраляваць апошнія гадзіны падрыхтоўкі прыехаў важны чыноўнік на дарагой Volvo з урадавымі нумарамі.
Абноўленая станцыя «Пралетарская» — не адзіны аб’ект, падрыхтаваны гарадскімі ўладамі да 3 Ліпеня. У Чыжоўцы пасля рэканструкцыі адчыніцца паліклініка №22, на 2 ліпеня запланаванае адкрыццё трохузроўневай транспартнай развязкі на перасячэнні праспектаў Дзяржынскага і Жукава.
Каментары