Прыпынена працэдура рэгістрацыі гродзенскай абласной арганізацыі Партыі БНФ. Устаноўчы з'езд арганізацыі адбыўся 9 чэрвеня.
Як паведаміла прэс-служба партыі, 29 чэрвеня старшыня абласной арганізацыі Вадзім Саранчукоў атрымаў копію рашэння галоўнага ўпраўлення юстыцыі Гродзенскага аблвыканкама. У лісце тлумачыцца, што прычынай для прыпынення рэгістрацыі стала непрадастаўленне спіса членаў гродзенскай гарадской арганізацыі Партыі БНФ з указаннем месца іх пражывання і працы.
Прэс-служба адзначае, што ліст з просьбай прадаставіць такую інфармацыю, датаваны 8 чэрвеня, быў атрыманы сёння разам з рашэннем аб прыпыненні рэгістрацыі.
"Асаблівае абурэнне выклікае апошняя фраза запыту: "просьба прадставіць рускамоўнае выкладанне прозвішчаў названых членаў партыі", — адзначае прэс-служба.
0
0
0
0
0
0
