30.06.2012 / 09:27

З пачатку года цэны выраслі на 10%

На 1,4% выраслі спажывецкія цэны ў Беларусі з 1 па 26 чэрвеня (з 1 па 12 чэрвеня — на 1,1%, з 13 па 19 чэрвеня — на 0,2%, з 20 па 26 чэрвеня — на 0,3%), паведаміў Нацыянальны статыстычны камітэт.

Найбольшы прырост цэн з пачатку месяца адзначаны на моркву (82,3%), капусту (55,7%), буракі (44,9%), бульбу (29,2%), цукар (6,7%), хлеб і хлебабулачныя вырабы (4%), сухія малочныя сумесі для дзіцячага і дыетычнага харчавання (3,9%), піва (3,6%), жывую рыбу (2,8%), ялавічыну, паўвэнджаную каўбасу, мясныя кансервы, жывёльнае масла, плаўлены сыр, пернікі, соль (2,1–2,5%), бензін (5,3%), тканіны (2,3%), пральныя машыны (1,2%), дзіцячае адзенне, шпалеры (1,1%), паслугі дашкольных устаноў (9,2%), чыгуначнага транспарту міжнародных зносінаў (6,8%), санаторна-аздараўленчыя паслугі (6,7%), жыллёва-камунальныя (6,5%), паслугі вышэйшай адукацыі (2,6%), бытавыя паслугі (2,1%).

Патаннелі: алей (акрамя аліўкавага) — на 0,5%, марожаная рыба (трасковыя, скумбрыевыя гатункі) — на 0,6%, проса, яйкі — на 0,7%, грэчка — на 2,5%.

За студзень-май цэны выраслі на 8,5%, з улікам 26 дзён чэрвеня — на 10%. Паводле вынікаў года ўрад разлічвае ўтрымаць інфляцыю ў межах 19–22%. У 2011 годзе спажывецкія цэны павялічыліся на 108,7%.

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру