ФПБ не пусціць у парламент тых, хто патрабаваў санкцый
Пра гэта заявіў сёння Леанід Козік.
Федэрацыя прафсаюзаў Беларусі не можа застацца ўбаку ад такой важнай для грамадства падзеі, як парламенцкія выбары. Пра гэта заявіў 30 чэрвеня старшыня прафцэнтра Леанід Козік на пасяджэнні прэзідыума савета ФПБ.
«Выбары — гэта найважнейшая кампанія, якая мае непасрэдны ўплыў на далейшае развіццё беларускага грамадства, таму што абраныя дэпутаты на працягу наступных чатырох гадоў праз прынятыя законы ў многім будуць вызначаць курс краіны. Федэрацыя прафсаюзаў Беларусі, як самая масавая грамадская арганізацыя, не можа заставацца ўбаку ад такой значнай падзеі», — цытуе Козіка
Пры гэтым ён падкрэсліў:
«Тым, хто адкрыта выступаў супраць Федэрацыі прафсаюзаў Беларусі, а значыць і супраць працоўных, заклікаў да байкоту беларускіх тавараў на еўрапейскіх рынках, патрабаваў увядзення санкцый у дачыненні да нашай краіны, не месца ў парламенце. ФПБ прыкладзе ўсе намаганні, каб не дапусціць такіх людзей да заканатворчай дзейнасці».
«Актыўна на гэтым этапе бяруць удзел і членскія арганізацыі нацыянальнага прафцэнтра. Чакаецца, што ад Федэрацыі прафсаюзаў у склад 110 акруговых камісій будуць вылучаны не менш як 300 чалавек. Таксама актыўна ФПБ плануе ўдзельнічаць ва ўсіх этапах кампаніі па выбарах у Палату прадстаўнікоў Нацыянальнага сходу, у тым ліку і на этапе вылучэння кандыдатаў у дэпутаты. Федэрацыя прафсаюзаў Беларусі адкрыта заявіла пра тое, што падтрымае толькі тых кандыдатаў, мэты, задачы і рэальная дзейнасць якіх не супярэчаць палітыцы, што праводзіцца ў краіне, пабудовы дзяржавы для людзей, дзяржавы з сацыяльна арыентаванай эканомікай», — гаворыцца ў паведамленні.
Каментары