03.07.2012 / 23:02

У Расіі праваслаўныя заклікаюць адключыць Facebook 9

На падставе «прапаганды гомасэксуалізму сярод непаўналетніх».

Праваслаўныя актывісты з Саратава (Расія) сёння запатрабавалі ад сацыяльнай сеткі Facebook прыбраць іконкі, якія абазначаюць аднаполыя адносіны. На выкананне гэтых патрабаванняў праваслаўныя далі сацсетцы 24 гадзіны. У адваротным выпадку яны пагражаюць падаць на Facebook у суд і абвінаваціць у прапагандзе гомасэксуалізму сярод непаўналетніх.

«Калі яны такія разумныя і ні перад чым не спыняюцца для дасягнення фінансавага дабрабыту, мы павінны іх спыніць, — кажа Уладзімір Раслякоўскі, праваслаўны грамадскі дзеяч. — Мы закідаем пазовамі ўсіх правайдэраў да такой ступені, што ім прыйдзецца пайсці на нашы патрабаванні.

А патрабаванне адно — выключыць Facebook у краіне
ў сувязі з прапагандай гомасэксуалізму і лесбіянства. Бо ў асноўным сеткай карыстаецца моладзь, дык якой яна вырасце гледзячы на ​​гэта? Сёння мы даслалі факс у Расійскі офіс кампаніі. Калі праз 24 гадзіны яны не ліквідуюць усе прыкметы прапаганды садамітаў, няхай наракаюць на сябе. Прыйшлі ў Расію і навязваюць нам свае пошлыя правілы. Законы краіны і яе грамадзяне змогуць абараніць сваіх дзяцей».
Досыць дзіўна, што мішэнню для «праведнага гневу» была абраная найпапулярнейшая сацыяльная сетка, а не, напрыклад, прадукцыя расійскага шоу-бізнэсу і тэлеканалаў.
Магчыма, справа ў тым, што сацыяльныя сеткі, асабліва Facebook, былі магутным інструментам арганізацыі масавых паслявыбарчых пратэстаў у Расіі.

СМ

0
hjk / Адказаць
03.07.2012 / 23:35
бородатые донкитохы 21 века. Зоопарк на прогулке.
0
Felix / Адказаць
03.07.2012 / 23:53
ідыятызм апраўдванняў ня мае ... хай лепш сідзяць у сваіх царквах, адошчваюць жывоты ды чакаюць канцу сусвету, а то вырашылі грошы напоўніць ужо законт іншаземцаў
0
Вася / Адказаць
04.07.2012 / 00:20
Неадэкваты.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру