09.07.2012 / 20:31

Белстат: Цэны з пачатку года выраслі на 10,5% 1

На 10,5% выраслі спажывецкія цэны ў Беларусі ў першай палове 2012 года, паведаміў Нацыянальны статыстычны камітэт. У чэрвені інфляцыя склала 1,8%, у маі — 1,6%, у красавіку — 1,7%, у сакавіку — 1,5%, у лютым — 1,5%, у студзені — 1,9%.

Харчаванне ў чэрвені падаражэла на 1,8% (за шэсць месяцаў — на 11,7%), у тым ліку бульба — на 28,8%, цукар — на 6,8%, хлеб і хлебабулачныя вырабы — на 4,2%, фрукты — на 4,1%.

Цэны на нехарчовыя тавары павялічыліся на 0,8% (6,9%). У лідарах — бензін (5,3%), дываны і дывановыя вырабы, пісьмовыя прылады (па 1,6%), тканіны (1,3%).

Тарыфы на платныя паслугі насельніцтву павысіліся на 3,8% (14,5%). Больш за ўсё падаражэлі санаторна-аздараўленчыя паслугі (на 11,6%; з пачатку года — на 62,8%), паслугі дашкольных устаноў (на 9,3%), жыллёва-камунальныя паслугі — на 7%, чыгуначны транспарт міжнародных зносінаў (на 6,6%).

Урад разлічвае ўтрымаць гадавую інфляцыю на ўзроўні 19–22%. У 2011 годзе цэны выраслі на 108,7%.

Хочаш падзяліцца важнай інфармацыяй ананімна і канфідэнцыйна?

0
вось / Адказаць
09.07.2012 / 23:38
растуць хутчэй чым пры Кебічы..
Каб пакінуць каментар, калі ласка, актывуйце JavaScript у наладах свайго браўзеру