Адбылася гульня ў адказ першага кваліфікацыйнага раўнду Лігі Еўропы.«Гомель» прымаў у сябе каманду «Вікінгур» з мястэчка Гота, што на Фарэрскіх выспах.
Першая сустрэча гэтых каманд адбылася тыдзень таму. Беларусы ў гасцях не пакінулі каменя на камені ад «Вікінгура» — 6:0. Праўда, усе галы былі забітыя ў другім тайме.
Сёння настаўнік «Гомеля» Алег Кубараў даў згуляць дублёрам. Яны не падкачалі, хаця ў першым тайме галоў зноў не было.
А вось у другім дублем адзначыўся Дземідовіч, яшчэ па аднаму голу забілі Кашэўскі і Цімашэнка — 4:0.У суме двух матчаў перавага больш чым унушальная — 10:0. Алег Кубараў сказаў, што матч быў «вялым» і яму было цяжка знайсці для футбалістаў матывацыю пасля гасцявой перамогі.
У наступным раўндзе Лігі Еўропы «Гомель», найхутчэй, сустрэнецца з македонскай «Рэновай». Таксама з другога раўнда стартуюць салігорскі «Шахцёр» (супернік аўстрыйскі «Рыд») і наваполацкі «Нафтан» (сербская «Црвена Звезда»).
Матч каментаваўся па-беларуску
Цяпер чытаюць
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне8
Каментары