У вытворчасці Заводскага (Мінска) раённага аддзела Следчага камітэта Беларусі знаходзіцца крымінальная справа ў дачыненні да былога дырэктара «Рэмаўтадора» гэтага раёна сталіцы.
Як паведаміў БелаПАН афіцыйны прадстаўнік Упраўлення СК па Мінску Аляксандр Герасімаў, былы кіраўнік прадпрыемства падазраецца ў здзяйсненні злачынстваў, прадугледжаных ч. 3 арт. 424 КК (злоўжыванне ўладай або службовымі паўнамоцтвамі) і ч. 1 арт. 210 КК (крадзеж шляхам злоўжывання службовымі паўнамоцтвамі). Абвінавачванне яму пакуль не прад’яўленае.
Мера стрымання ў дачыненні да падазраванага абраная ў выглядзе абавязацельства аб яўцы.
0
0
0
0
0
0
