Больш за 200 беларускіх турыстаў павінны былі сёння вылецець з аэрапорта Бургаса, паведамілі ў турфірме «Аэротрэвел». Турысты, відаць, знаходзяцца ў аэрапорце Бургаса і чакаюць бліжэйшага рэйса.
Гэта значыць, у лепшым выпадку беларускія турысты змогуць пакінуць Бургас ноччу.
Больш пашанцавала турыстам, якія павінны вылецець з Бургаса ў 16.30. Іх рэйс пераносіцца на тры гадзіны: з Мінска чартар адправіцца ў 16.30, а балгарскі аэрапорт пакіне ў 19.30.
Як адзначылі ў кампаніі, за камфортнае і бяспечнае знаходжанне беларускіх турыстаў адказвае балгарскі бок. Мінская турфірма параіла балгарскім тураператарам па магчымасці не вывозіць турыстаў з гатэляў. Тых жа, хто ўжо знаходзіцца ў аэрапорце Бургаса, павінны забяспечыць пітной вадой.
Закладнікамі сітуацыі апынуліся больш за 200 турыстаў, якія сёння павінны вылецець з Мінска ў Бургас. Але ў іх выпадку можна не сядзець на валізках і правесці вольны час у сталіцы.
Нацыянальны перавозчык павінен выканаць сёння тры рэйсы ў Бургас. Два з іх затрымліваюцца, трэці абяцаюць выканаць паводле раскладу. Турфірмам не паведамлялі пра магчымасць выкарыстоўваць суседні аэрапорт Варны для дастаўкі беларускіх турыстаў.