Лукашэнка ўзнагародзіў 44 камандзіраў войскаў супрацьпаветранай абароны 56
Гэтаму не змог перашкодзіць нават шведскі «мядзведжы дэсант».
Указ «Аб узнагароджанні медалём „За бездакорную службу“ І, ІІ, IIIІ ступені» кіраўнік краіны падпісаў 16 ліпеня, праз 12 дзён пасля шведскай бамбардзіроўкі. У ім адзначаецца, што больш за 40 служачых беларускай СПА «ўзорна выконваюць свае службовыя абавязкі».
Сярод узнагароджаных медалямі ІІ ступені падпалкоўнік Аляксандр Вараб’ёў — начальнік штаба і першы намеснік камандзіра 49-й радыётэхнічнай брыгады Паўночна-заходнягааператыўна-тактычнага камандавання ВПС і СПА Узброеных Сіл, палкоўнік Віктар Дробыш — памочнік камандуючага войскамі па кадрах і начальнік аддзела кадраў Заходняга аператыўна-тактычнага камандавання ВПС і СПА, маёр Максім Андросік, камандзір зенітнага ракетнага дывізіёна 15-й зенітнай ракетнай брыгады Паўночна-заходнягааператыўна-тактычнага камандавання Ваенна-паветраных сіл і войскаў супрацьпаветранай абароны і яшчэ шмат іншых вайскоўцаў.
Лукашэнка ўзнагародзіў вайскоўцаў Заходняга і Паўночна-заходнягааператыўна-тактычных камандаванняў. Акурат службы супрацьпаветранай абароны гэтых адзінак адсочваюць мяжу з Літвой. Медаль знайшоў таксама падпалкоўніка Канстанціна Ябарава 116-й гвардзейскай штурмавой авіяцыйнай базы Ваенна-паветраных сіл і войскаў супрацьпаветранай абароны.
За два тыдні да вайсковага параду на Дзень незалежнасці Су-25 менавіта з гэтай часткі разбіўся пад Навагрудкам.
***
Нагадаем, што раніцай 4 ліпеня шведскі лёгкаматорны самалёт Jodel без перашкодаў перасёк літоўска-беларускую мяжу, даляцеў да Мінска, скінуў дэсант плюшавых мядзведзікаў і вярнуўся назад. Аб палёце расказалі самі пілоты, вывесіўшы ў інтэрнэце поўны відэазапіс знаходжання самалёта ў беларускай паветранай прасторы. Міністэрства абароны Беларусі ў адказ заявіла, што парушэння мяжы зафіксавана не было, а відэаматэрыялы з’яўляюцца падробкай.