Сёння прайшлі матчы другога кваліфікацыйнага раўнду Лігі Еўропы па футболе. На гэтай стадыі нашу краіну прадстаўляюць тры каманды — «Гомель», «Нафтан» (Наваполацк), «Шахцёр» (Салігорск).Першымі на поле выйшлі гульцы «Нафтана». У Віцебску яны прымалі сербскую «Црвену Звезду». Культавая каманда з Бялграду, адзіная з Усходняй Еўропы, якая выйгравала Кубак еўрапейскіх чэмпіёнаў.
У Віцебск прыехала багата заўзятараў з Сербіі і Масквы. «Звезда» сябруе з «Спартаком». Госці былі відавочнымі фаварытамі пары. І з першых хвілін яны пачалі адпрацоўваць свой статус.
Першы тайм скончыўся кашмарнымі лічбамі 0:3 на карысць балканцаў. «Нафтана» на пляцоўцы ўвогуле бачна не было.
Затое ў другой палове адбылося чароўнае пераўтварэнне. Спачатку Аляксандр Гаўрушка рэалізаваў пенальці, потым ён жа паклаў мяч у ніжні вугал — 2:3.
У адной з наступнай атак чарнагорскі легіянер «Црвены Звезды» Касаліца зрабіў перавагу сербаў больш камфортную. «Нафтан» змог адыграць адзін гол намаганнямі рэзервіста Валерыя Жукоўскага — 3:4.У Бялградзе «Нафтану» будзе цяжка. Фаны «Црвены Звезды» падтрымаюць сваіх па поўнай праграме. Цяжка будзе спадзявацца на агульную перамогу, але другі тайм падарыў трошку аптымізму.
«Гомель» праводзіў матч у македонскім Куманава. Супернік — мясцовая «Рэнова».
З гэтай камандай некалі сустракалася мінскае «Дынама». Тады беларусы былі мацней.«Шахцёр» дома прымаў аўстрыйскі «Рыд».
Гульня падалася даволі роўнай. Першы тайм гаспадары атакавалі больш, другі — госці.
Здаецца, за гэты час македонцы мацней не сталі. Сказаў бы нават, што перамогу «Гомель» атрымаў перамогу даволі шарагова.
У першым тайме Вадзім Дземідовіч і Томаш Новак зрабілі лік 2:0.
Далей «Гомель» не надта хацеў, а «Рэнова» зусім не магла. Калі не здарыцца нічога анамальнага, то за «Гомель» можна асабліва не перажываць. Каманда павінна дабіцца свайго.
Забіць гол «гарнякам» атрымалася за пару хвілін да свістка на перапынак. Сітко вывеў на ўдарную пазіцыю Асіпенку. І найлепшы бамбардзір першынства Беларусі не падкачаў — 1:0.
Спрэчнасць моманту была ў тым, што на той час гулец «Рыда» ляжаў на полі. Тым самым, салігорцы не выбілі мяч, як тое патрабуюць правілы добрага тону.
У другім тайме румынскі арбітр прызначыў у вароты «Шахцёра» досыць спрэчны пенальці. Анел Хаджыч быў бездакорны — 1:1.У Аўстрыі «Шахцёру» трэба будзе абавязкова забіваць, што не ёсць надта лёгкай справай.