16-гадовую Кацю Скурат з Івянца не арыштавалі, але дапыталі 8
Яна расплакалася, адказваючы на пытанні чэкістаў.
Распаўсюджаная рознымі інфармацыйнымі сайтамі навіна пра затрыманне 16-гадовай дзяўчыны, меркаванай сяброўкі Антона Сурапіна, якая нібыта першай сфатаграфавала шведскіх мядзведзікаў, не адпавядае рэчаіснасці.
З неафіцыйных крыніц стала вядома, што 16-цігадовую Кацю Скурат, якая сфатаграфавала цацкі, скінутыя над Івянцом, не арыштавалі. Аднак дзяўчынку дапыталі супрацоўнікі КДБ у прысутнасці бацькоў. Яна расплакалася, адказваючы на пытанні чэкістаў. Тыя паразмаўлялі з дзяўчынай і яе бацькамі, а потым сышлі.
Старонка Каці Скурат у сацыяльнай сетцы «ВКонтакте», на якой былі размешчаны фотаздымкі цацачнага дэсанту са шведскага самалёта, выдалена.
