28.07.2012 / 09:58

Пятая ўлада 2

Нармальны чыноўнік абслугоўвае закон, а носьбіт «пятай улады» «кіруе працэсам». Піша Сяргей Ваганаў.

Здараюцца ў нашым жыцці такія падзеі, якія мала хвалюць грамадства, але лепш за любыя апакаліптычныя прадказанні сведчаць пра тое, што грамадства ў нашай дзяржаве фактычна няма.

Нядаўняе судовае разбіральніцтва па справе так званых «невыязных» яскрава сведчыць пра тое, што і дзяржавы ў нас няма. Той дзяржавы, якая ствараецца для патрэбаў грамадства, абслугоўвае ягоныя інтарэсы і ахоўвае іх ад незаконных, неканстытуцыйных памкненняў.

Што ж тады ёсць?

Ёсць «адпаведныя органы»… Тое, што ўмоўна можна назваць «пятай уладай».

Вось вы ў цалкам адпаведным закону і Канстытуцыі парадку займаецеся праваабарончай дзейнасцю, без якой, дарэчы, не існуе ў сучасным свеце аніводная цывілізаваная дзяржава, нават цывілізацыя ўвогуле. Такая дзейнасць не дыхае ў замкнёнай прасторы, без міжнародных адносін, бо абарона правоў чалавека — праблема сусветная. І сусветная, без межаў паміж краінамі, мэта. Карацей кажучы, праваабаронцы проста павінны ў нашых з вамі інтарэсах ездзіць па свеце… І раптам паміж імі і грамадствам, паміж імі і дзяржавай дробным, нібыта шашаль, свярдзёлкам угрызаецца нейкая «адпаведная служба», якой пофіг сапраўдныя грамадскія і дзяржаўныя інтарэсы. Спачатку яна ставіць «жалезную заслону», а потым тлумачыць яе нейкай «тэхнічнай памылкай»…

У паўзабытыя камуністычныя часы з так званымі «дырэктыўнымі органамі», з пільнай «адпаведнай службай» можна было сутыкнуцца на кожным кроку.
Ды і не хаваліся яны асабліва, дакладна ведаючы, што законы ёй не пісаныя і не будуць пісаныя ніколі…

Потым моцным і бадзёрым «левым маршам» мы прайшлі кароткі курс дэмакратычнай палітпісьменнасці. І, нарэшце, даведаліся, што разумны, добры і вечны лад дзяржаўнага жыцця магчымы толькі пры наяўнасці аж чатырох улад. Першая стварае законы, другая іх выконвае, трэцяя сочыць за іх выкананнем, ахоўвае ад парушэнняў і судзіць, калі што не так. Ну, а чацвёртая інфармуе грамадства пра ўсё, што адбываецца на айчынных прасторах, у іншых уладах таксама, і выводзіць на святло божае ўсё, што прагне схавацца ў цяні…

Потым чалавека, што стаміўся ад барацьбы за капеечнае існаванне і забыўся ў салодкім сне ўспамінаў аб «жалезным парадку», пераканалі ўсё ж, што адна, але палымяная, улада лепей — сама за ўсіх усё зробіць, сама ўсім усё раскажа і сама за ўсё ўсіх пакарае…

І да ўсіх гэтых гістарычных метамарфозаў з нязрушнай жыццяздольнасцю прыстасоўваецца «пятая ўлада»
. Хто-хто, а яна добра ведае, што мы не ўмеем, ды і не вельмі імкнемся жыць па законе. Лёгка пагаджаемся з тым, што нехта абавязкова павінен наладжваць жыццё пад сябе, пад свой бессмяротны інтарэс. У псеўдарыначных абставінах — грашова небескарыслівы…

Хто ж гэты «нехта»? Чыноўнік? Але чыноўнік — гэта вялікае дабро для любой дэмакратычнай дзяржавы, яе апорная канструкцыя. Без чыноўніка яна не здолее абслугоўваць свайго грамадзяніна і падаткаплацельшчыка, не здолее быць дзяржавай ды ўвогуле быць.

Тады хто?

За час сваёй журналісцкай працы я не аднойчы сутыкаўся з гаспадарамі тых ці іншых, малых ці вялікіх, уладных пакояў.
Памятаю, як аб аднаго з іх спатыкнулася вельмі важная справа. Вось, трос я паперамі, у законе гаворыцца тое і тое… Так, пагаджаўся ён, сціпла панурыўшы позірк, але нехта ж павінен «кіраваць працэсам»… І я зразумеў: калі нармальны чыноўнік абслугоўвае закон, носьбіт «пятай улады» «кіруе працэсам». Сёння — працэсам закручвання гаек. Калі спатрэбіцца — працэсам так званай «лібералізацыі»…

Я не ведаю, хто «кіраваў працэсам» у справе нашых вядомых праваабаронцаў, магчыма, сам Лукашэнка. А, магчыма, які-небудзь клерк з Мінюста, МУС ці КДБ — спачатку незаконна ўнёс іх прозвішчы ў спісы «невыязных», а потым павынаходніцку прапанаваў выйсце ў выглядзе «тэхнічнай памылкі.» І тут я не бачу розніцы паміж прэзідэнтам і апошнім клеркам.

Бо абодва яны — стваральнікі і нявольнікі хлуслівай Сістэмы, што завецца «пятай уладай».

Уладай, якая ў адсутнасці чатырох іншых застаецца адзінай.

Што насамрэч завецца дыктатурай, як ні круці…

Сяргей Ваганаў, kamerton_41@mail.ru

0
пенсионер / Адказаць
28.07.2012 / 11:40
А что говорят юристы нащет компьютерных сбоев? Или у нас уже компьютеры сами являются штатными единицами неких министерств ? В каких министерствах стоят эти компьютеры ? Кто конкретно их обслуживает ? Почему все решили что Ответчика в компьютерном деле нет? Если на предприятии нет конкретного виновника в случае кражи, или любого другого нарушения , то есть ответственное лица - Директор- и отвечает он по всем вопросам, в том числе и если " не организовал, не обеспечил и т.д." И никто моральные иски еще не отменил, значит ими нужно и должно пользоваться
0
душа болит а сердце плачет / Адказаць
29.07.2012 / 18:50
Статью не читала, но видела слова чиновники. Возмущению нет предела на одну тему. У знакомой дочка закончила питерский медицинский колледж, в котором училась 4 года на базе 11 классов. Фельдшера эти могут работать врачами скорой помощи, терапевтами, педиатрами. Закончила с красным дипломом. Теперь она поступает в Питерский мед университет. Тестирование сдала, ждет результатов зачисления в начале августа. Пока приехала в Беларусь к родителям. Если поступит, то надо оригиналы документов отдать в университет. Но ехать туда из Беларуси дорого на билеты туда-сюда. В Питере родственники живут, они могут отнести её документы. Для этого нужна доверенность. Сделали здесь доверенность, хотели отправить почтой. Но почтой очень долго идет. Хотели отправить авиапочтой, там загнули цену за эту услугу 170 тысяч, к тому же самолетик 2 недели будет "лететь" эту бумажку. Пошли к поезду, хотели через проводников передать один листок бумажки-доверенности. Н-И-ЗЗ-Я!!!!!. Как ни просили проводников, начальника поезда. Девушка плакала, умоляла, просила прочитайте текст, тут ничего криминального нет, плакала, что вы мою судьбу решаете. НИЗЗЯ и всё!!
Каб пакінуць каментар, калі ласка, актывуйце JavaScript у наладах свайго браўзеру