28.07.2012 / 12:05

Пілігрымы на руінах 13

У 30-градусную спёку яны ідуць цэлы дзень з малітвамі да Бога па беларускіх шляхах.

Фотарэпартаж Сяргея Гудзіліна з часовага лагера каталіцкіх пілігрымаў у Росіцу на руінах касцёла XIX ст. у мястэчку Зембін (Барысаўскі раён).

Ад велічнага касцёла ў Зембіне засталіся толькі руіны, але і яны ахоўваюцца дзяржавай к архітэктурны помнік.

Скульптура Маці Божай захавалася некранутай.

Пакуль рушыць пілігрымка, на вызначаным месцы ладзіцца намётавае мястэчка.

Каля касцёлу закінутыя каталіцкія могілкі.

Разгрузка рыштунка.

Начуюць пілігрымы ў намётах.

Прайсці пешшу некалькі дзясяткаў кіламетраў ў такую спёку - сапраўднае выпрабаванне.

Вячэра пілігрымаў ля падмурку былога касцёла.

Не адзін вывадак буслоў нарадзіўся ў гэтай буслянцы.

Пілігрымы пачалі свой шлях з Барысава і за 7 дзён яны пераадолеюць больш за 300 кіламетраў. За гэты час да іх далучацца каталіцкія вернікі з Друі, Глыбокага, Верхнядзвінска і іншых парафій.

Нягледзячы на аддаленасць ад буйных гарадоў, у Росіцкую святыню (Верхнядзвінскі раён) кожны год прыходзяць і прыязджаюць усё больш і больш пілігрымаў.

Айцы марыяне, якія апякуюцца гэтым месцам, і сёлета запрашаюць на ўрачыстасці ў Росіцу, якія адбудуцца 3 і 4 жніўня.

У 1943 годзе ў мястэчку Росіца бласлаўлёныя мучанікі Антоній Ляшчэвіч і Юрый Кашыра разам з вернікамі прынялі мучаніцкую смерць падчас карнай акцыі гітлераўцаў.

Фота: Сяргей Гудзілін, Зембін

0
старая цётка / Адказаць
28.07.2012 / 12:26
Дзякую вам людзі за Веру вашу і любоў да Радзімы і Людзей! а мы папросім каб шлях ваш быў светлым
0
Грамадзянін з Барысава / Адказаць
28.07.2012 / 13:32
За касьцёл у Зембіне баліць душа. Памятаю гэтыя руіны са скульптурай Маці Божай на фасадзе ад самага дзяцінства. Можа раптам хто ведае, ці ёсьць у кагосьці пляны аднавіць святыню? Гатовы па магчымасьці ахвяраваць грошы на гэтую сьвятую справу.
0
111 / Адказаць
28.07.2012 / 13:46
Цікавыя вернікі-пілігрымы. Намётавае мястэчка роўна на могілках. Ну-ну...
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру