30.07.2012 / 13:34

Навучанне ў БДУ і БДУІР падаражэла амаль да 2 тыс. даляраў 10

ВНУ працягваюць называць кошт навучання для студэнтаў-першакурснікаў.

Самымі дарагімі спецыяльнасцямі для першакурснікаў БДУ стануць «правазнаўства» і «эканамічнае права» на юрыдычным факультэце, «міжнароднае права» на факультэце міжнародных адносін — 14 млн. 950 тыс. рублёў, самымі таннымі — «беларуская філалогія (па напрамках)», «расейская філалогія (па напрамках)» на філалагічным факультэце, а таксама «сацыяльная праца» на гуманітарным факультэце. Гэтыя спецыяльнасці стаяць 10 млн. 700 тыс. рублёў, паведамляе БелТА.

Такая інфармацыя размешчана, напрыклад, на сайце Беларускага дзяржаўнага эканамічнага ўніверсітэта.

У параўнанні з мінулым годам кошт навучання вырас прыкладна на 39% і складае больш чым 11 млн. 358 тыс., ці 11 млн. 587 для студэнтаў дзённай формы навучання (раней — звыш 6 млн. 932 тыс. і 7 млн. 185 тыс. адпаведна.
Кошт навучання для студэнтаў завочнай формы навучання складзе больш чым 4 млн. 406 тыс (раней — больш за 2 млн. 594 тыс., ці 2 млн. 610 тыс.)

Таксама значна вырас кошт навучання студэнтаў-першакурснікаў у Беларускім дзяржаўным універсітэце інфарматыкі і радыёэлектронікі. Новыя цэны размешчаны на сайце ВНУ.

На інжынерна-эканамічным факультэце кошт навучання вырас на 52% — з 9 млн. 680 тыс. да 14 млн. 700 тыс. рублёў; на факультэце камп’ютарных сістэм і сетак, факультэце інфармацыйных тэхналогій і кіравання — прыкладна на 45% — з 10 млн. 155 тыс. да 14 млн. 700 тыс. рублёў;
на факультэце камп’ютарнага праектавання і факультэце радыётэхнікі і электронікі — на 39% — з 9 млн. 135 тыс. да 12 млн. 700 тыс. рублёў; на факультэце тэлекамунікацый — прыкладна на 25% — з 9 млн. 48 тыс. да 12 млн. 700 тыс.

Кошт навучання для студэнтаў БДУІР для вячэрняй формы навучання складзе для ўсіх спецыяльнасцей 8 млн. 700 тыс. рублёў, для завочнай — 4 млн. 500 тыс. рублёў, для дыстанцыйнай формы навучання за вывучэнне адной дысцыпліны — 410 тыс. рублёў (раней адпаведна 6 млн. 615 тыс. рублёў, 4 млн. 85 тыс. рублёў і 338,5 тыс. рублёў).

Таксама стаў вядомы кошт навучання ў Віцебскім дзяржаўным універсітэце імя Пятра Машэрава. Для спецыяльнасці «правазнаўства» першага курса яна складзе 12 млн. 208 тыс. рублёў, для студэнтаў усіх астатніх спецыяльнасцей — 10 млн. 758 тыс. рублёў. На завочным аддзяленні кошт навучання на спецыяльнасці «правазнаўства» складзе больш чым 3 млн. 705 тыс. рублёў за год, на астатніх — звыш 3 млн. 500 тыс.

Трэба адзначыць, што галоўная ВНУ краіны — БДУ — і большасць іншых беларускіх ВНУ ўсё яшчэ не аб’явілі кошт навучання для студэнтаў-першакурснікаў. Пры гэтым міністр адукацыі Сяргей Маскевіч 26 ліпеня заявіў, што цэны на навучанне студэнта-першакурсніка павінны быць аб’яўлены ВНУ ў той жа дзень — 26 ліпеня. Паводле яго слоў, у сярэднім навучанне аднаго студэнта-бюджэтніка ў ВНУ абыходзіцца дзяржаве ад 18 млн. рублёў у год.

0
ягор / Адказаць
30.07.2012 / 13:50
мда, былоб за што плаціць. Вось мне цікава куды пойдуць грошы. Бо выкладчыкам там заробкі асабліва не падвышаюць!!
0
alex / Адказаць
30.07.2012 / 13:53
5 год у нiкуды.
0
debug / Адказаць
30.07.2012 / 14:01
У той час, як у Няметчыне (пасля скасаваньня збору ў памеры 500eu з замежнікаў) - кошт навучання ва ўніверсытэце - 350eu.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру