30.07.2012 / 18:44

23-гадовы студэнт Варшаўскага ўніверсітэта затрыманы ў Мінску з амфетамінам 2

Салігорца затрымалі за наркотыкі, Беларусь-1 прыплёў Малады Фронт.

У нядзельнай праграме «У цэнтры увагі» на Беларусь-1 29 ліпеня паказалі сюжэт, паводле якога нейкі 23-гадовы студэнт Варшаўскага універсітэта быў затрыманы ў Мінску з амфетамінам. Імя і прозьвішча затрымага не называецца, аднак частка сюжэту адведзена палітычнаму складніку ў злачынстве, у стылі ксенафобскай прапаганды: «Відаць, еўрапейскія пакравіцелі ўцягваюць спачатку ў палітычную гульню, а затым і ў злачынную дзейнасць».

БТ адзначае, што маладога чалавека раней не раз асуджалі за «ўдзел у несанкцыянаваных масавых мерапрыемствах». Акрамя таго, адзначаецца яго сувязь з Маладым Фронтам і салігорскімі наркадылерамі. Напрыканцы журналісты адзначаюць, што затрыманым пагражае да 13 гадоў турмы.

«Падазрэнні могуць быць праўдай, — сказаў НН адзін з салігорскіх актывістаў з таго самага пакалення, што і затрыманы. — Гэты чалавек браў удзел у акцыях, яго затрымлівалі. Але пасля ён з’ехаў у Польшчу па праграме Каліноўскага і з таго моманту дачынення да МФ не меў». «Шкада, што так занесла чалавека», — дадаў другі салігорац.

У рэпартажы называецца прозвішча Нагорны і гаворыцца аб яшчэ адным затрыманым. У той жа час салігорцы чулі толькі пра аднаго затрыманага. Магчыма, у рэпартажы Беларусь-1 факты змяшаны з фантазіямі.

СГ

0
Анатоль Сідарэвіч / Адказаць
30.07.2012 / 21:05
А вы не дапускаеце, што хлопцу тую наркату падклалі? Я ведаю гісторыю, калі мой малады таварыш па партыі трапіў у "распрацоўку". З нармальнага хлопца зрабілі злачынца ды запраторылі на тры гады. А еўраідыётам, якія давалі (мусіць, і цяпер даюць) Беларусі грошы на барацьбу з распаўсюдам наркотыкаў паднеслі гэта як чарговы поспех.
0
Tomasz M. Bladyniec / Адказаць
31.07.2012 / 00:48
Я ў 2006 годзе працаваў у бюро Праграмы Каліноўскага. Хутка перад паездкай па Польшчы, якую бюро арганізавала для студэнтаў, 'хтосці' сказаў кіраўніку Праграмы, што я прадаю студэнтам наркатыкі. Такія правакацыі сапраўды здараюцца, мне яна сустрэла асабіста.
Каб пакінуць каментар, калі ласка, актывуйце JavaScript у наладах свайго браўзеру