31.07.2012 / 18:04

Сяргей Румас больш не віцэ-прэм’ер 4

Яго прызначылі ў «Банк развіцця Рэспублікі Беларусь».

За паведамленнямі пра адстаўкі сілавікоў Рачкоўскага і Пахмелкіна, менш заўважнай, але не менш значнай падаецца звальненне Сяргея Румаса з пасады намесніка прэм’ер-міністра.
Пры гэтым адзначаецца, што Румас атрымаў прызначэнне ў старшыні праўлення ААТ «Банк развіцця Рэспублікі Беларусь». Выглядае, што гэта будзе сінекура.

Патомны фінансіст Сяргей Румас стаў віцэ-прэм’ерам у снежні 2010, пасля разгону Плошчы. Адказваў за эканамічны блок пытанняў. На гэты час прыпаў моцны валютны і фінансавы крызіс. Румас нярэдка адзначаўся даволі рынкавымі прапановамі, але якія рэдка былі рэалізаваныя. У перапалку з ім уступаў памочнік Лукашэнкі Ткачоў.

«Банк развіцця Рэспублікі Беларусь» створаны летась, як паведамляецца «для павышэння празрыстасці фінансавання дзяржпраграм». Створаны ён быў па рэкамендацыі МВФ.
Таксама Сяргей Румас з’яўляецца кіраўніком Беларускай федэрацыі футбола.

Зміцер Панкавец

0
Австрияк / Адказаць
31.07.2012 / 18:29
Нормальный мужик, сейчас какое-нибудь каугаснае ... назначат вместо него... Только он тут при чем? Должны были погранцы с автомата сбивать самолет или в воздухе остановить на минутку штамп и визу проверить? Не по лесам же проехал на самолете....
0
Фрыдрых Маркс / Адказаць
31.07.2012 / 18:40
@Выглядае, што гэта будзе сінекура.@ Зусім не выглядае! Выглядае, што гэта паніжэньне, каб не рабіў чаго непажаданага перад чарговай дэвальвацыяй, непазьбежнай, як дэмбэль, пасьля дурыбараў.
0
321-бах / Адказаць
31.07.2012 / 20:07
Адзінага адносна нармальнага з ураду прыбралі. Хто яшчэ ня верыць у дэвальвацыю пасля дурыбараў?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру