03.08.2012 / 18:43

Шушкевіч: Нават СССР не выслаў пасла ФРГ, калі Руст прыляцеў 3

Колішні старшыня Вярхоўнага Савету Станіслаў Шушкевіч камэнтуе высылку зь Беларусі амбасадара Швэцыі Стэфана Эрыксана.

«Для мяне гэта навіна, якую я ўспрымаю з жахам.

Мне здаецца, гэта адзін з найлепшых амбасадараў, які так палюбіў Беларусь і зь якім я так многа кантактаваў.
Калі адбываецца нейкае глупства ў краіне, калі дэманструецца дурнота ейных прадстаўнікоў, якія ня здольныя супрацьстаяць жартам моладзі, — яны павінны наводзіць жах на амбасадараў. Ён ня першы амбасадар, які быў высланы зь Беларусі. Ня ведаю, якое ён меў дачыненьне да гэтага жарту. Мне здаецца, гэта зусім нягеглы ўчынак нашага вышэйшага кіраўніцтва.
Проста ганьба! Мы паводзім сябе не як цывілізаваныя краіна, а як краіна-ізгой.
Заўважце, што Савецкі Саюз не высылаў амбасадара ФРГ, калі Руст прыляцеў на Чырвоную плошчу. Я бачыў гэты самалёт, быў там побач. Ім такая дурнота не магла прыйсьці ў галаву. Якімі б яны ні былі жахлівымі людзьмі, яны былі людзьмі адукаванымі. А ў нас пануе ваяўнічае невуцтва. І вось які вынік. Гэта найвялікшая недарэчнасьць, якая магла тут у Беларусі здарыцца».

0
у нас пануе.. / Адказаць
03.08.2012 / 19:22
Ды пра такiх у народзе гавораць-як з ланцугу сарваўся.
0
Уралец / Адказаць
04.08.2012 / 07:22
Господин Шушкевич очевидно забыл почему не был посажен Руст незаконно пересекший границу СССР, и небыл выслан посол. Причина была одна Горбачев и его клика продались западу.
0
Аддалі дань сэсэ сэру? / Адказаць
04.08.2012 / 15:13
Чаму ўсе старанна робяць выгляд, што не памятаюць зрыў імпічменту-96 ? Быццам не было "ночы доўгіх надзей і дзіўных падзей"? "у чорным-чорным пакою з'явілася чорная-чорная рука Масквы і раздаўся крык "аддай сваё сэрца!"
Каб пакінуць каментар, калі ласка, актывуйце JavaScript у наладах свайго браўзеру