У аўторак — навальніцы і моцныя залевы

У найбліжэйшыя суткі, 7 жніўня, у Беларусі будзе воблачна з праясненнямі.

На большай частцы тэрыторыі краіны пройдуць кароткачасовыя дажджы і навальніцы, месцамі моцныя залевы. Удзень па ўсходзе ў асобных раёнах прагназуецца град.

Вецер паўднёвы з пераходам на паўночна-заходні, 5–10 метраў за секунду, пры навальніцах месцамі шквалістае ўзмацненне да 15–20 метраў за секунду, днём па ўсходзе да 24 метраў за секунду.

Тэмпература паветра ўначы будзе плюс 17–24. Дзённая тэмпература паветра — 22–29 градусаў, па паўднёва-ўсходняй палавіне чакаецца 30–34, у Гомельскай вобласці месцамі паветра прагрэецца да 35–36 градусаў.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ