07.08.2012 / 23:44

БАТЭ чакае пятая еўракубкавая восень 4

Барысаўцы выйгралі ў гасцях венгерскі «Дэбрэцэн» — 2:0.

У чымсьці паўтарылася леташняя гісторыя з аўстрыйскім «Штурмам». Нічыя дома 1:1, а потым БАТЭ забіў два галы ў гасцях. Нават аўтар аднаго з іх той жа — Аляксандр Валадзько.

Увогуле, лік прымушаў БАТЭ з першых хвілін пайсці наперад, што беларусы і зрабілі. У сярэдзіне першага тайму Віталь Радзівонаў зрабіў пас-цукерачку на партнёра па атацы Дзмітрыя Мазалеўскага — 1:0.
Гэта ўжо прымушала венграў гуляць першым нумарам, да чаго «Дэбрэцэн» не вельмі быў гатовы. Нейкія рэдкія моманты ўзнікалі, але Гарбуноў і абарона з імі спраўлялася.

У другім тайме да чырвонай карткі дагуляўся Балаш Нікалаў. А праз дзве хвіліны пасля гэтага два Сашы — Глеб і Валадзько — падвоілі перавагу. Першы адзначыўся пасам, другі — голам.

Больш мячоў гледачы не пабачылі.

Незалежна ад таго, ці пройдзе БАТЭ наступны раўнд Лігі чэмпіёнаў яны забяспечылі сабе еўракубкавую восень — пятую запар! У выпадку перамогі ў Лізе чэмпіёнаў, калі прайграюць — у Лізе Еўропы.

Зміцер Панкавец

0
просты хлопец / Адказаць
08.08.2012 / 00:31
Ждём с нетерпением интересных матчей осенью!Желательно,конечно,Лигочемпионских!!!Может завтра ещё и Гомель преподнесёт сенсацию?!
0
andrejka / Адказаць
08.08.2012 / 02:03
малайчынкі!
0
Анатоль Сідарэвіч / Адказаць
08.08.2012 / 12:23
От гэтыя барысаўцы любяць пазадавацца!.. Нічога, некалі і Пінск праславіцца ў футболе.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру