10.08.2012 / 14:03

ЕС вырашае, як адказаць за Швецыю: высылка ўсіх беларускіх паслоў імаверная 20

У Брусэлі гэтае пытанне абмяркоўваюць дыпламаты ўсіх краін Еўрасаюза.

Найбольш імаверным адказам краін Еўрасаюза будзе ад’езд усіх паслоў ЕС на кансультацыі. Пра гэта піша брусэльскае выданне Euobserver.com. Адпаведна, і беларускія паслы вымушаны будуць пакінуць еўрапейскія сталіцы.

На мінулым тыдні Беларусь фактычна выслала пасла Швецыі, а на гэтым — запатрабавала закрыцця шведскага пасольства ў Мінску. Мінск абвінаваціў шведскага пасла ў «разбурэнні двухбаковых адносін». Шведскі міністр замежных справаў заявіў, што такім чынам Беларусь зрэагавала на дзейнасць пасла, скіраваную на падтрымку правоў чалавека.

Швецыя — адна з суседак Беларусі і краін з уплывам у балтыйскім рэгіёне.

«Мяч на баку Швецыі, але ўсе хочуць выказаць салідарнасць з імі», — заявіў для Euobserver.com адзін з дыпламатаў.

Мяркуецца, што Еўрасаюз выступіць з адзіным пасланнем у гэтым пытанні. Прапановы, найхутчэй што, сфармулююць Германія і Польшча.

«Швецыя можа ганарыцца сваёй роллю ў абароне правоў чалавека ў Беларусі», — напісаў у Твітары міністр замежных справаў Брытаніі Уільям Хейг.

Учора Аляксандр Лукашэнка заявіў, што дзейнасць Эрыксана выклікала незадаволенасць яшчэ год таму і што шведскае пасольства падтрымлівала кантакт з арганізатарамі плюшавай медзведзіроўкі. Аднак ніякіх фактаў у падмацаванне такой тэорыі лукашэнкаўскія СМІ пакуль не прывялі.

Мікола Бугай

0
Serg / Адказаць
10.08.2012 / 11:52
Высылайце гэтую брыдоту, каб не псавалі вольнае паветра!
0
Ха-ха-ха! / Адказаць
10.08.2012 / 11:53
Навернае счас бегаюць па магазиках как угарэлыя.
0
будзем зарабляць / Адказаць
10.08.2012 / 12:10
Трэба далбануць па ЕС са усих арудзий а замест снарадау зарадзиць каровины ляпешки, цикава ци зразумеюць яны жарт.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру