10.08.2012 / 15:49

АГП прапануе ўладзе адмяніць парламенцкія выбары 2

Аб’яднаная грамадзянская партыя прапануе ўладзе адмяніць у Беларусі парламенцкія выбары. Пра гэта 10 жніўня на прэс-канферэнцыі заявіў лідар АГП Анатоль Лябедзька.

Паводле яго слоў, адпаведная палітычная заява ўжо гатова і ў панядзелак, 13 жніўня, будзе накіравана ва ўсе дзяржаўныя ўстановы, у тым ліку ў Адміністрацыю прэзідэнта, ва ўрад і ў Палату прадстаўнікоў.

«Пасля таго як завершаны этап фарміравання выбарчых камісій, трэба называць рэчы сваімі імёнамі. У нас ёсць псеўдавыбары ў ілжэпарламент.
І тут паўстае пытанне: навошта нам наогул такія інстытуты, якія ніхто не выбірае, якія прызначаюцца, якія спажываюць вялікую колькасць грошай падаткаплацельшчыкаў, якія ні за што не нясуць адказнасці і якія на працягу чатырох гадоў ініцыявалі толькі адзін законапраект?» — сказаў Лябедзька.

«У той сітуацыі, у якой заканадаўства і правапрымяняльная практыка ў Беларусі пагаршаюцца, магчыма, нам наогул адмовіцца ад псеўдавыбараў у лжэпарламент», — заявіў Лябедзька.

На яго думку, у парламент можна прызначыць прадстаўнікоў і без выбараў, што прывядзе да велізарнай эканоміі сродкаў дзяржаўнага бюджэту.

0
zhar-ptushka / Адказаць
10.08.2012 / 16:57
Парламент (Палата Представителей и Совет Республики) - совершенно бесполезные органы - по нашей Конституции. Страна может управляться одним Президентом, который может издавать декреты и указы. Парламент вообще не нужен!
0
віКніК / Адказаць
10.08.2012 / 22:42
А яшчэ адмяніць міліцыю, войска, КГБ, суд... Хаця, суда ў нас ужо даўно няма, як і Канстытуцыі, мовы, адукацыі, СМІ. Усё разбурана. Засталіся шыльды...
Каб пакінуць каментар, калі ласка, актывуйце JavaScript у наладах свайго браўзеру