10.08.2012 / 22:24

Лукашэнка запатрабаваў максімальна павялічыць экспарт цэменту 6

Максімальна павялічыць экспарт цэменту і пашырыць выпуск новай прадукцыі з высокім дададзеным коштам на цэментных прадпрыемствах запатрабаваў Аляксандр Лукашэнка 10 жніўня падчас наведвання Беларускага цэментнага завода ў Касцюковіцкім раёне Магілёўскай вобласці.

Паводле звестак прэс-службы прэзідэнта, ён прапанаваў Кітаю стварыць вытворчасць жалезабетонных вырабаў на базе пустых плошчаў побач з Беларускім цэментным заводам.

«Кіраўніка дзяржавы праінфармавалі пра тое, што кітайская карпарацыя „Сіцік“, якая дапамагала мадэрнізаваць беларускія цэментныя прадпрыемствы, ажыццяўляе ў некаторых еўрапейскіх краінах праекты, жалезабетонныя вырабы для якіх прывозяцца з КНР», — гаворыцца ў прэс-рэлізе. Лукашэнка ў гутарцы з кітайскімі прадстаўнікамі зазначыў, што, хутчэй за ўсё, выгадней было б наладзіць выпуск жалезабетонных вырабаў у Беларусі, у тым ліку для пастаўкі на экспарт.

Ён запэўніў, што ўмовы для рэалізацыі новага перспектыўнага праекта кітайскаму боку «будуць створаны добрыя».
«Калі вы гатовы сюды прыходзіць — прыходзьце. Калі патрэбны жалезабетон — вырабляйце яго. Калі не, то мы будзем самі рабіць», — заявіў беларускі кіраўнік.

Міністр будаўніцтва і архітэктуры Анатоль Нічкасаў паведаміў, што ў структуры экспарту беларускіх будматэрыялаў істотную долю складаюць менавіта жалезабетонныя канструкцыі. У 2012 годзе ад агульнага аб’ёму экспарту будматэрыялаў доля жалезабетонных вырабаў складзе прыблізна 45%. «Улічваючы высокі попыт на жалезабетонныя вырабы як за мяжой, гэтак і ўнутры краіны», Лукашэнка даручыў ураду «старанна пралічыць магчымасць рэалізацыі гэтага праекта і беларускім бокам».

«Да канца гэтага года павінен быць гатовы бізнес-план — наш ці сумесны з Кітаем — па вытворчасці жалезабетонных вырабаў, — сказаў ён. — Мэта — не проста заняць пляцоўку, а вырабляць прадукцыю з высокім дададзеным коштам. Новая вытворчасць дасць штуршок развіццю горада, рэгіёна».

0
Iгар з Лiды / Адказаць
10.08.2012 / 23:19
Але ж i сьмех! Я працую на будоулi у Менску, i там пастаянныя праблемы з бетонам. Кажуць, што цэменту няма - амаль увесь iдзе на экспарт. А гэны "правадыр" сабрауся яшчэ экспарт павялiчыць. Мала накрау яшчэ. Хутка будзем з глiны будаваць.
0
Нейкі Дзядзька / Адказаць
10.08.2012 / 23:32
Жыхары малых гарадоў і вёсак усходняй Беларусі ўчора ўвечары адчулі сапраўдны шок. Па галоўных вуліцах гэтых населенных пунктаў на вялікай хуткасці, ўздымаючы воблакі пылу ў сцямнелым паветры, прамчаўся картэж Лукашэнкі. Безліч машын з мігалкамі, выццё сірэны і бясконцае, зласлівае патрабаванне з гукаўзмацляльніка: " принять вправо, никому не подходить к дороге, никому не подходить к дороге, никому не подходить к дороге, принять вправо..." - усё гэта рабіла моцнае псіхалагічнае ўздзеенне. Нехта слупянеў на месцы ад нечаканасці, хтосці хапаў дзяцей і бег далей ад дарогі. Людзі не разумелі навошта ўсенароднаабранаму ўрывацца ў іх мястэчкі быццам вораг, быццам захопнік?
0
віртуалія / Адказаць
11.08.2012 / 09:27
Нейкі Дзядзька напiсаў(ла) 10 жнiўня 2012 у 23:32 ...................... цікава - чым гэта скончыцца? мяне пераследуе думка, што калі я памру раней - дык паспрабую вас вызваліць. прыемна нават пра такое думаць
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру