3 красавiка ў цэнтры Магiлёва жыхары горада назiралi незвычайную карцiну: у зоне адпачынку на рацэ Дубравенка звалiўся ў ваду аўтамабiль ярка‑жоўтага колеру. Але гэта былi не кiназдымкi, а сапраўднае транспартнае здарэнне.
Высветлiлася, што 21‑гадовая дзяўчына на сваiм аўтамабiлi BMW разварочвалася на пляцоўцы каля ракi i надта моцна нацiснула на педаль газу. Ад гэтага магутная машына заехала на бардзюр i па схiлу з’ехала ў Дубравенку, перакулiлася ў ваду. Аўтамабiль пашкоджаны, а вадзiцель i пасажыр не пацярпелi. Дарэчы, вадзiцельскае пасведчанне дзяўчына атрымала ўсяго 8 месяцаў таму. А Дзяржаўтаiнспекцыi нячаста даводзiцца сутыкацца з падобнымi надзвычайнымi здарэннямi.
0
0
0
0
0
0
