15.08.2012 / 13:26

Пяць кандыдатаў ад Партыі БНФ зняліся з выбараў 9

Пяць патэнцыйных кандыдатаў ад Партыі БНФ адмовіліся ад удзелу ў выбарчай кампаніі ў знак пратэсту супраць вынікаў фармавання выбарчых камісій. Пра гэта паведаміў намеснік старшыні Партыі БНФ Ігар Лялькоў 15 жніўня падчас прэзентацыі праграмы рэформ «Народная праграма».

Паводле яго слоў, 4 жніўня першая сесія з’езда партыі вылучыла ў кандыдаты ў дэпутаты 38 членаў. «Тады ж было прынята рашэнне аб зняцці кандыдатаў ад партыі пры невыкананні ўладамі ўмоў: уключэнні ўсіх прэтэндэнтаў ад партыі ў акруговыя і ўчастковыя выбарчыя камісіі і вызваленні палітзняволеных», — нагадаў Лялькоў.

У гэты момант, зазначыў ён, дакументы на рэгістрацыю ад Партыі БНФ падалі толькі 33 патэнцыйныя кандыдаты ў дэпутаты.
«Пяць прэтэндэнтаў адмовіліся падаваць дакументы ў знак пратэсту супраць неўключэння нашых прэтэндэнтаў ва ўчастковыя выбарчыя камісіі менавіта ў тых акругах, у якіх яны мелі намер балатавацца», — сказаў Лялькоў.

Ён нагадаў, што з 57 прадстаўнікоў партыі ў акруговыя выбарчыя камісіі ўключылі 12 чалавек, а з 233 прэтэндэнтаў на ўдзел ва ўчастковых выбарчых камісіях ад Партыі БНФ і грамадскай арганізацыі БНФ «Адраджэньне» ў іх трапілі толькі 13 чалавек.

Парламенцкія выбары ў Беларусі пройдуць 23 верасня.

0
Брандо / Адказаць
15.08.2012 / 16:36
Яны ж, падаецца, плянавалі з'ездам здымацца
0
Нхт / Адказаць
15.08.2012 / 17:14
Відаць, што на самой справе яны зусім не патэнцыйныя, калі зняліся. Глыбокія пенсіянеры, мабыць...
0
mabilka / Адказаць
15.08.2012 / 17:15
ну абы не працаваць! высоўваліся небось ад партыі, па народзе не хадзілі, а зараз і агітаваць не трэба. затое прынцыповыя, да.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру