15.08.2012 / 21:14

Брэсан: Выйгралі ў Арменіі 2:1, прайгралі Кіпру 0:3 1

Сёння нацыянальная і маладзёжная зборная правялі свае матчы.

Нацыянальная зборная па футболе (галоўны трэнер — Георгій Кандрацьеў) выйграла ў таварыскім матчы ў Ерэване ў зборнай Арменіі 2:1.

Рэнан Брэсан вызначыўся на 44-й і 66-й хвілінах. Армяне не забівалі, у свае вароты пацэліў Дзмітрый Верхаўцоў (на 71-й хвіліне).

Зборная Беларусі выступала ў наступным складзе: Верамко (к) (Жаўноў, 46) — Бардачоў (Вераціла, 60), Мартыновіч, Верхаўцоў, Жаўнерчык — Цігараў, Кісляк (Драгун, 46) — Пуціла, Брэсан, Няхайчык — Карніленка (Камароўскі, 46).

Беларусь рыхтуецца да старту ў адборачным турніры да чэмпіянату свету 2014 года. Нагадаем, што зборная згуляе ў адной групе з дзеючымі чэмпіёнамі Еўропы (і свету) зборнай Іспаніі, Францыяй, Фінляндыяй і Грузіяй.

Нашы футбалісты пачнуць турнір матчам з Грузіяй 7 верасня ў гасцях, таксама на выездзе 11 верасня згуляюць з Францыяй.
12 кастрычніка матч з Іспаніяй у Мінску, 16 кастрычніка — матч з Грузіяй у Беларусі.
Сёння правяла адборачны матч да свайго чэмпіянату Еўропы маладзёжная зборная.
Яна на сваім полі (на «Дынама-Юні») прайграла Кіпру 0:3 (Энглезу, 13, Міцідзіс, 50, Курловіч, 73, у свае вароты). Канцоўку сустрэчы беларусы праводзілі ўдзевяцёх пасля двух выдаленняў.

Напярэдадні сустрэчы Вяргеенка заявіў, што запісы матчаў зборнай Кіпра кудысьці зніклі, таму ён змог сабраць толькі статыстычную інфармацыю пра саперніка, дадае БелаПАН.

Становішча каманд у групе 1: Германія — 24 ачкі (8 матчаў; розніца мячоў 32–5), Боснія і Герцагавіна — 16 (8; 17–8), Кіпр — 12 (9; 16–19), Грэцыя — 10 (8; 13–11), Беларусь — 10 (8; 10–14), Сан-Марына — 1 (9; 2–33).

Беларускай маладзёжнай камандзе засталося правесці матчы з Германіяй (7 верасня ў гасцях) і Сан-Марына (10 верасня дома).

nn.by

0
Racyja / Адказаць
15.08.2012 / 23:19
Gljadzew guļnju u secive, belarusy vygljadali veļmi dobra. Kandracjevu, pa usim vidac, patrafila stvaryc veļmi zubastuju, zadzirystuju kamandu. Armjane šmat gojsali pa poli, ale bjazdumna, i špuljli u bok bramy belaruskaj zbornaj bjazgluzda i bezvynikova. A vos našy hlopcy huljali asensavana. Kontrataki pravodzili nadzvyčaj zavostranyja. Bylo nekaļki vyhadaw sam na sam z armjanskim bramnikam, lik mog byc i boļš unušaļnym. Paslja Stange, guļnja kamandy vee svežym pavetram i unušaje aptymizm. bačna, što trenerski štab vedaje, što rabic i jak rabic, mae idei i bačyc jak ih uvaplacic u stanowčy vynik.
Каб пакінуць каментар, калі ласка, актывуйце JavaScript у наладах свайго браўзеру