Дзевяцігадовы хлопчык у Калінкавічах зваліўся з чацвёртага паверха і выжыў
Днём 15 жніўня ў Калінкавіцкую раённую бальніцу было дастаўлена дзевяцігадовае дзіця.
Як паведамілі БелаПАН у прэс-службе УУС Гомельскага аблвыканкама, дзіця выпала з балкона на чацвёртым паверсе.
Хлопчык быў у гасцях у бабулі. Прычыны і абставіны здарэння пакуль высвятляюцца, у кватэры на момант падзення дзіцяці нікога не было. Хлопчыку пастаўлены дыягназ «пашкоджанне ўнутраных органаў» і «пералом ключыцы».