06.04.2007 / 14:23

«Дзьве зоркі» ідэальнай дыктатуры 20

На тэлеканале АНТ распачаўся новы мэгапраект — «Дзьве зоркі». Камэнтар Барыса Тумара.

Камэнтар Барыса Тумара.

На тэлеканале АНТ распачаўся новы мэгапраект — «Дзьве зоркі». Акрамя тых сьвяцілаў, якія сьпяваюць (ці ў меру свайго таленту выконваюць тое, што ў наш шчасьлівы час завецца песьняй), на экране стала прысутнічае яшчэ пяць зорак журы.

У першым выпуску новага тэлешоў то быў характэрны камплект. Тэлебос Казіятка, у мінулым вайсковы прапагандыст. Зорка поп-сцэны Люся Лушчык. Два работнікі Расейскага тэатру, Янкоўскі і Луцэнка, якія нядаўна выгналі выдатнага актора толькі за тое, што ён удзельнічаў у мітынгу. І — увага — Лідзія Ярмошына.

Ідэю папулярызацыі палітсыстэмы праз ТВ-шоў прыйшла да нас праз расейскіх паліттэхнолягаў. У шоў «Танцы з зоркамі» ў ролі судзьдзяў можна было бачыць і Зюганава, і Жырыноўскага, і іншых пэрсанажаў з кабарэ расейскай палітыкі.

У расейскай сыстэме тонка кіраванай дэмакратыі папулярызуюць палітыкаў. Нікому не прыходзіла ў галаву рабіць імідж Вешнякову. У Беларусі ўсё збудавана іначай. У «дзяржаве для народу» трэба, каб народ перадусім давяраў асобе, якая першаю паведамляе людзям пра 83%. Каб кожны, хто галасуе супраць, верыў, што ён, ягоная жонка, дзеці і суседзі папросту належаць да мізэрнае, грахоўнае, беспэрспэктыўнае 17-працэнтовае меншасьці.

З аднаго боку — Аверкаў, Давыдзька, Язерская. Вядома, не Арлоў і ня Вольскі, усё кіраваныя асобы.

З другога боку — Ярмошына.

Зь Ярмошынай хочуць зрабіць мілы, свойскі пэрсанаж. Справядлівага, непадкупнага судзьдзі. Што дазволіць ёй бясконца доўга служыць апорным элемэнтам «ідэальнай дыктатуры».

0
Спадар Мікола / Адказаць
06.04.2007 / 16:05
Не чапайце "классного пацана" ! 8-)
0
Aleś Jurkaviec / Адказаць
06.04.2007 / 16:27
Я думаю, што першым пераможцам конкурсе "Дзьве зоркі" пераможа... Лукашэнка. Журы сфармаванае пад гэта. Адной жанчыне зь ягонага складу застаецца аўтаматычна зрабіць звыклую справу.
0
з раёну / Адказаць
06.04.2007 / 16:53
а ўяўляеце, як тыя, хто не заняў першага месца, у кулуарах паміж сабой расказваюць вядомыя анекдоты пра ярмошыну? красіва, чэсна слова! Нота бэнэ: а ці застаўся ў нашай краіне яшчэ хто-небудзь, хто паважае гэтую жанчыну? і як ёй жывецца, ведаючы (бо не дура ж яна!), што яе УСЕ выкарыстоўваюць і НІХТО не паважае? О жыцьцё! Тут і катэджу ў Піянерскім пасёлку не абрадуешся.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру