10.04.2007 / 07:29

Нацыянальныя колеры зноў адбіраюць

На рок-канцэрце ў Гомелі адабралі 8-мэтровы бел-чырвона-белы сьцяг, а тых хто яго трымаў, выгналі з канцэрта няглядзячы на тое, што ў іх меліся квіткі.

Канцэрт адбываўся у ДК "Віпра". Удзельнічалі пераважна маладыя мясцовыя каманды. Некалькі хлопцаў пранесьлі на канцэрт нацыянальны сьцяг 8-мэтровай даўжыні. Сьцяг атрымалася разгарнуць - яго віталі дзесяткі людзей. Самыя актыўныя ўзьнялі яго над галовамі. Літаральна праз ры хвіліны праз натоўп прабіліся некалькі супрацоўнікаў міліцыі і прымусілі згарнуць палотнішча, пасьля чаго яго адабралі, а тых хто трымаў сьцяг выгналі з канцэрта няглядзячы на тое, што ў іх меліся квіткі. Назад маладзёнаў ужо не ўпусьцілі. Некалькі хлопцаў сказалі, што ўсё-роўна патрапяць на свой канцэрт нават і праз дах... Ці атрымалася ў іх - не вядома. Далейшы лёс сьцяга таксама не вядомы. Затое ў мясцовай міліцыі будзе ўзор забароненых колераў, бо былі выпадкі ў гомельскім лядовым палацы, калі міліцыянты ня ведалі што рабіць з бел-чырвона-белым "я ня ўпэўнены, але гэта нешта забароненае - хавай сьцяг..."

Ніхто затрыманы ня быў.

Хочаш падзяліцца важнай інфармацыяй ананімна і канфідэнцыйна?

Яўген

Каб пакінуць каментар, калі ласка, актывуйце JavaScript у наладах свайго браўзеру