Хуткiм спатканнем з каханай тлумачыў мiлiцыянерам свой учынак 26‑гадовы пiнчук, калi яго затрымалi з чужой маёмасцю.
Хлопец прыехаў у вёску Ляскавiчы Iванаўскага раёна, паводле яго слоў, да дзяўчыны... i не знайшоў тут магазiна кветак. Тады палескi «дон Жуан» выхапiў букет у мясцовай жыхаркi, якая стаяла на прыпынку, а заадно прыхапiў у яе кашалёк з немалой сумай грошай. Вiдаць, хацеў з’явiцца да дамы сэрца не толькi з кветкамi, але i з французскiм шампанскiм.